NIGIMIA 8:1 - Tanou Moonsoi Timugon

¹ Paat ra sila' katulu', ulun ru Israil namagun noyo giu' ra bandar ru sigagama'. Paat ra orou kasaa' sila' raginio, ilo ngaangai' timinimung giu' ra Jirusalim, giu' ra tana' malimparang mamaar ra Kulobon Garabang ru Timug. Nakitaak ilo maa' raginio kitab Taurat alapon ri Imam Ijra, sangulun mapandai kaga' ra Taurat ondo' pinataak ru Tuhan ra Israil ondo' pinabala' galing ri Musa.

NIGIMIA 8:1 ပူးပေါင်းရင်းမြစ်များ

IJRA 7:6

I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

2 TUNUNG RU BANSA' ISRAIL 34:15

Kon ri Ilkia ri Sapan, “Nakatuum aku ra kitab Ukum ru Tuhan giu' ra ralalom Baloi ru Tuhan.” Io pana nanaak boo ra kitab no ri Sapan,

IJRA 7:11

Raja' Artasasta nangani' ri Ijra, imam am ondo' mapandai kaga' ra Ukum no, ra dokumin ragitio:

MATIUS 23:34

Ginio ra rongogo' min toojo gitio: Manusub Aku ra nabi-nabi matong ramuyun, ulun pintar am niayuk mangingila': Potoyon min kukula' intor ilo ngaangai', salipon min bokon no am bokon no poyo loposon min ra baloi sambayangan, am mangilou kau niayuk risilo intor ra rondo' pekan mongoi ra pekan ra bokon.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MATIUS 23:2

“Mangingila' ra Ukum ri Musa am ulun ru Parisi ti noyo inanian ra kuasa' mampaintutun ra Ukum ri Musa.

MATIUS 13:52

I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”

MALIAKI 4:4

Karaa' pangilaan ru ulipon Kuno i Musa. Karaa' ukum am susuban ondo' tinaakan Kuno riso giu' ra Gunung Sinai koson gagayaan ru ngaangai' ulun ru Israil.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

NIGIMIA 12:37

Giu' ra Kulobon Garabang Taur ru Timug, nagaloi ilo ra tukar ondo' sumuku' ra Bandar Daut. Nansail ilo ra istana ri Daut am saguli' ra timbok giu' ra Kulobon Garabang Timug, giu' ra tampilon sirangon ru bandar no.

NIGIMIA 8:16

Mamagun pana minongoi boo alap ra raan-raan am nambaal ra kalukub-kalukub giu' ra tampak ru taap marata' ra baloi nilo, giu' ra liliut ru baloi nilo, giu' ra liliut Baloi ru Tuhan, am giu' ra padang maar ra Kulobon Garabang Timug, am giu' ra padang maar ra Kulobon Garabang Ipraim.

TINGGANAI RU BANSA' 20:8

Ngaangai' ulun ondo' timinimung ra giu' no minigor, am nagampan ilo mindagu, “Kolondo' sangulun pana intor ritakau muli' ra kim kapoam ra baloi.

TINGGANAI RU BANSA' 20:1

Ngaangai' ulun ru Israil intor ra Dan ra tampilon ralayo, saboi ra Birsyiba ra tampilon rabugus, am niayuk intor ra Giliad ra tampilon sirangon, naninong ra piau no. Timinimung ilo koson santimungan ulun ra saang ru Tuhan ra Mijpa.

2 TUNUNG RU BANSA' ISRAIL 34:30

am nababaya' ilo minongoi ra Baloi ru Tuhan. Minaya' risilo imam-imam, ulun-ulun ru Liwi am ngaangai' mamagun, ondo' langkaya' am niayuk musikin. Giu' ra saang nilo ngaangai', binasa' ru raja' ngaangai' suang ru kitab nabantuan no, ondo' natuum giu' ra ralalom Baloi ru Tuhan.

IJRA 7:10

Pinataak ri Ijra kaayagan nano koson mintutun ra Ukum ru Tuhan, nambaal raginio am niayuk nangila' ra ngaangai' inaru' am ukum nano ra bansa' ru Israil.

NIGIMIA 8:3

Giu' intok malimparang no, maar ra kulobon garabang, nambasa' i Ijra ra Taurat no risilo intor ra susuab polos ra tanga' ru orou, am ilo ngaangai' nangkirongog toojo.

IMAMAT 9:5

Pagibit ilo ra ngaangai' ondo' nanusuban noyo ri Musa mongoi ra saang ru Kim ru Tuhan, am ngaangai' ru ulun no tumimung ra giu' no koson sumamba ra Tuhan.

SAGULION 31:11

Basaa' noyo Ukum ti ra ulun ru Israil paat ilo matong koson sumamba ra Tuhan i Aki Kapuuno' min giu' ra rondo' intok sambayangan no.

2 RAJA'-RAJA' 23:2

am nababaya' ilo minongoi ra Baloi ru Tuhan. Minaya' risilo imam-imam, nabi-nabi am ngaangai' mamagun, ondo' langkaya' am niayuk ondo' musikin. Giu' ra saang nilo ngaangai', nambasa' raja' ra ngaangai' suang ru kitab nabantuan ondo' natuum giu' ra ralalom Baloi ru Tuhan.

IJRA 7:1

Bibilor boo buoi raiti, paat ra Raja' Artasasta nasauk ra raja' ru Pirsia, mokoondo' sangulun ungkuyon inggalan no i Ijra. Io sangulun intor ra papag ri Arun, Tingganai Maayo Imam no, am inggalan ru papag nano koson ragitilo: Ijra anak ri Siraya, anak ri Ajaria, anak ri Ilkia,

NIGIMIA 12:26

Ngaangai' ulun no maayag bulintok ri Joyakim anak ri Jisua, akupu ri Jojadak am bulintok ru Gabenor Nigimia am Imam Ijra, ulun mapandai kaga' ra Taurat no.