NIGIMIA 7:73 - Tanou Moonsoi Timugon

⁷³ Imam-imam, ulun-ulun ru Liwi, ulun magalung ra kulobon garabang ru Baloi ru Tuhan, ulun-ulun maririmbai am masuang intor ra mamagun toojo, ulun-ulun mangngandoi ra Baloi ru Tuhan, ontoson ragu ngaangai' ulun ru Israil, namagun giu' ra ngaangai' pekan am giu' ra bandar-bandar ru Jiuda.

NIGIMIA 7:73 ပူးပေါင်းရင်းမြစ်များ

2 RAJA'-RAJA' 7:10

Ginio ra iruani' nilo pangkiman ru ulun ru Siria am saguli' ra Samaria. Golok ilo ra ulun magalung ra kulobon ru bandar, “Minongoi akai ra pangkiman ru ulun ru Siria, kaa' kolondo' nakito kapoam norongog mai ra osoi pana. Kuda am kaladai nilo lakat poyo narukugan ra intok no, am pangkiman no iniruanan koon raginio ayuk.”

1 TUNUNG RU BANSA' ISRAIL 9:2

Intor risilo ondo' siminaguli' galing ra tana' longgom nilo giu' ra bandar-bandar iono ulun nasuangan, imam-imam, ulun ru Liwi am ulun-ulun mangngandoi ra Baloi ru Tuhan.

IJRA 2:70

Imam-imam, ulun-ulun ru Liwi am masuang ulun intor ra mamagun minayan giu' ra Jirusalim am libung nano. Ulun-ulun maririmbai, ulun-ulun magalung ra kulobon garabang Baloi ru Tuhan am ulun-ulun mangandoi giu' ra Baloi ru Tuhan am niayuk ulun ru Israil ra bokon namagun giu' ra bandar-bandar intok inayanan ru kinamatuaan nilo ragili.

IJRA 3:1

Paat ra sila' katulu', ulun ru Israil namagun giu' ra bandar ru sigagama'. Kopongo raginio ilo ngaangai' timinimung giu' ra Jirusalim.

NIGIMIA 11:3

Giu' ra ngaangai' pekan am bandar-bandar ra bokon, mamagun ru Israil, imam-imam, ulun-ulun ru Liwi, ulun-ulun mangandoi ra Baloi ru Tuhan, am papag ru ulipon-ulipon ri Salomo mayan giu' ra bandar am giu' ra tana' ru sigagama'. Gitio noyo suang ru inggalan ru ulun maatang intor ra wilayah Jiuda ondo' mayan giu' ra Jirusalim: