NIGIMIA 7:3 - Tanou Moonsoi Timugon

³ Nambala' aku risilo maa' raginio kalo ukabin kulobon garabang ra kalo poyo sumirang mato ru orou, am maa' raginio angabin ra mapaatang ra pangalor ra kalo poyo ulun magagalung muli' paat ra mamai' orou. Nanusub aku niayuk risilo magakut kukula' ngaulun magagalung ra gino ngai' mamagun ru Jirusalim, am mapaayan ra santayaran intor risilo giu' ra intok-intok ondo' inaru', liliwa' bokon no mongoi pagilong giu' ra liliut ru baloi ru sigagama'.

NIGIMIA 7:3 ပူးပေါင်းရင်းမြစ်များ

NIGIMIA 13:19

Ginio boo ra nanusub aku maa' raginio kulobon garabang ru bandar angabin paat ra tumalimpuun ra moonong orou Sabat, iono kokotolop ayuk ru mato ru orou, am kulobon no kalo ukabin saboi ra maampus orou Sabat. Pinangandoi ku kukula' ngaulun ra ulun kuno giu' ra kulobon-kulobon garabang no koson magalung maa' raginio kolondo' kuliamos talanon ibiton mumpos ra ralalom ru bandar paat ra orou Sabat.

NIGIMIA 3:23

I Binjamin am i Gasub nambaal ra tayar ru timbok ra tunggul no, ondo' giu' ra saang ru baloi nilo; I Ajaria anak ri Maasiya, iono akupu ri Anania, nambaal ra tayar ru timbok ra tunggul no, ondo' giu' ra saang ru baloi nano;

NIGIMIA 7:2

Pinataak ku pamarintaan ru bandar Jirusalim ra pabukat kuno i Ganani am ri Gananya, panglima ru kubu pangampinan. I Gananya kolondo' pogondo' nano sabap ra io maintopot am malaa' ri Aki Kapuuno'.

NIGIMIA 7:4

Jirusalim bandar ondo' maayo, kaa' mamagun nano kalo masuang, am kalo poyo masuang baloi ondo' binaal ra giu' no.

MAZMUR 127:1

Rimbai ru ratangan ri Raja' Salomo. Amon ru sala' ka Tuhan no mambaal ra baloi, banangan ayuk kandoi ru ulun-ulun mangngandoi; amon ru sala' ka Tuhan no manindung ra bandar, banangan ayuk ru ulun-ulun mantatamung no mangandoi.

MAZMUR 147:13

Pioton No kulobon garabang Muno; mambarakat Io ra ulun Nano.

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.