NIGIMIA 7:2 - Tanou Moonsoi Timugon

² Pinataak ku pamarintaan ru bandar Jirusalim ra pabukat kuno i Ganani am ri Gananya, panglima ru kubu pangampinan. I Gananya kolondo' pogondo' nano sabap ra io maintopot am malaa' ri Aki Kapuuno'.

NIGIMIA 7:2 ပူးပေါင်းရင်းမြစ်များ

KASAUKAN 42:18

Paat katalu ra orou, indagu i Jusup risilo, “Aku ti sangulun gumagaya' ri Aki Kapuuno', ampunon takamin ra rondo' kitaakon kuno.

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

1 RAJA'-RAJA' 18:12

Ati kulaan amon ru Ambiluo ru Tuhan magibit rirun mongoi ra intok ra bokon ondo' kalo mapandayan ru ulun, ra kakaugar ku ayuk mangiruan ra intok ragitio? Paat ra aku mambala' ra raja' ra soroi kou ragiti am raja' no kalo makauyum rirun, mamatoi io raki'. Karaa' noyo, topot-topot aku sumambayang ra Tuhan intor ra aku lakat poyo mamulok.

1 RAJA'-RAJA' 18:3

ginio ra pampiau Raja' Agab ri Obaja, manalingapu ra istana nano. (I Obaja no sangulun ondo' topot-topot sumambayang ra Tuhan.

NIGIMIA 1:2

Paat raginio, pabukat kuno i Ganani, nakasaboi intor ra Jiuda nababaya' ra kukula' ngaulun ra bokon. Nangkuot aku risilo intor ra babaal giu' ra Jirusalim am intor ra gino ngai' ru ulun ru Jaudi ondo' siminaguli' noyo intor ra namatiran giu' ra Babilonia.

NIGIMIA 13:13

Ulun ragitilo pinangandoi ku koson magalung ra intok-intok pambulian ra ulaan no: i Silimia, sangulun imam; i Jadok, sangulun mapandai kaga' ra Ukum ri Musa; i Pidaya, sangulun Liwi. I Ganan anak ri Jakur, akupu ri Matanya no am mangindangan risilo. Mangintopot aku ra ilo no maintopot koson mantayar ra kuliamos-kuliamos raginio ra gino ngai' ru ulun mangandoi mabaya' ra guang mabanis.

NIGIMIA 2:8

Suai raginio, aku niayuk nakitaak ra surat tayar ri Asap, mantatamung ra kataunan ru raja', maa' raginio mangani' io raki' ra tataun balak tayar ra kulobon garabang ru kubu ondo' masauk ra rinding paninili ra Baloi ru Tuhan, am tayar ra timbok ru bandar, am niayuk baloi ondo' ayanin kuno. Nangiou raja' ra ngaangai' kinitaak kuno sabap i Aki Kapuuno' mabaya' raki'.

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

NIGIMIA 7:3

Nambala' aku risilo maa' raginio kalo ukabin kulobon garabang ra kalo poyo sumirang mato ru orou, am maa' raginio angabin ra mapaatang ra pangalor ra kalo poyo ulun magagalung muli' paat ra mamai' orou. Nanusub aku niayuk risilo magakut kukula' ngaulun magagalung ra gino ngai' mamagun ru Jirusalim, am mapaayan ra santayaran intor risilo giu' ra intok-intok ondo' inaru', liliwa' bokon no mongoi pagilong giu' ra liliut ru baloi ru sigagama'.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

MAZMUR 101:6

Apuon ku ulun ondo' gumagaya' ri Aki Kapuuno'; paayanon ku ilo ra baloi kuno; ulun totopot mabanis guang iowon ku mangandoi raki'.

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

DANIL 6:4

Makito boo ra kandoi ri Danil moonsoi poyo intor ra ulun magalung kapoam gabenor ra bokon no. Sabap ra maturasik kaga' i Danil, moogot raja' mampasauk riso ra panguasa' ru titikop pamarintaan.

UNTABAN 12:7

Kaa' kalo koson raginio ra ulipon Kuno i Musa; sinauk Ku noyo io ra tingganai ru ngaangai' ulun Kuno Israil.

MATIUS 24:45

“Osoi kia ulipon ondo' gumagaya' am mapintar? Io noyo ulun ondo' paningganayon ru tuan nano am manusub mapaakan ra ulipon-ulipon ra bokon paat ra inaru' i.

MATIUS 25:21

‘Moonsoi,’ ragu ru tuan ni, ‘Okou ulipon ra moonsoi ondo' malansanan, sabap ra okou maalap ra intopot ra sanganu, malansan aku niayuk rirun ra masuang. Ayan no simpung raki' ralalom kaansayan.’

1 KORINTUS 4:2

Rondo' ayuk maatang ra sangulun ulipon, ioginio gumagaya' io toojo ra tuan nano.

2 TIMOTIUS 2:2

Pangilaan kuli ondo' naining mu noyo ra saang ru masuang sasi', ilaan mu gitio ra ulun ondo' malansanan am ondo' matasik mangila' poyo ra bokon.