NIGIMIA 6:13 - Tanou Moonsoi Timugon

¹³ Nambayar ilo riso koson nampakalalaa' raki' maa' raginio maya' aku ra inatang nilo, am makatula aku. Koon raginio ilo mangalap ra kaluagan koson mampalaat ra inggalan kuno am manauyu' raki'.

NIGIMIA 6:13 ပူးပေါင်းရင်းမြစ်များ

NIGIMIA 6:12

Paat ra aku mampaguang toojo ra baal raginio saguli', nakaliman aku ra ragu pangkaraan ri Simaya no sala' ka intor ri Aki Kapuuno'. Kaa' i Tobia am i Sanbalat nangani' noyo ri Simaya ra rasua maa' raginio mampasaboi ra ragu pangkaraan no raki'.

NIGIMIA 6:6

Koon ragitio suang ru surat no: “Sumugut ra ragu ri Gisyim, mokoondo' raragu ra gino ngai' ru pagun-pagun paginggaar ra okou am ulun ru Jaudi moogot gumuor, am ginio noyo sasaban no ra akau namuna' ra timbok ru bandar. Minindagu io niayuk ra moogot kou sumauk ra raja',

AMSAL 22:1

Inggalan ra moonsoi mokologo poyo ka rapu' ra masuang; tagamin ru ulun moonsoi poyo ka aniin ra pirok kapoam mas.

AMSAL 29:5

Ulun ondo' mongompor ra rangan nano, mapataan ra pampajaling ra inan nano galama'.

MAMPATANOU 7:1

Inggalan moonsoi maamis poyo owou intor ra umau maamis owou ondo' mologo, am moonsoi poyo orou ru patayan intor ra orou naganakan.

JISAYA 51:7

“Rongogo' Aku, akau bansa' Kuno, makapandai kau ra atan motopot, pangilaan Kuno nakauli ra ralalom ru guang mino. Pai' kalaa' amon asabin kau ru ulun, pai' pagalabo amon magasab ilo ramuyun.

JISAYA 57:11

Mindagu Tuhan, “Osoi kia dewa-dewa ondo' mangilalaa' ramuyun saboi magabau kau Raki' am lumingon mampalilian Raki'? Kalo kia boo mangurumat kau Raki' sabap nabuoi Aku nongkoror?

JIRIMIA 1:17

Okou Jirimia, tampos no! Ugar no am balai' ilo intor ra ngaangai' ondo' nanusuban Kuno rirun. Pai' no kalaa' risilo maa' raginio kalo mangkinibit Aku rirun malaa' poyo paat ra okou muma' risilo ra maagu no.

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

YEHEZKIEL 2:6

Kaa' okou, ulun ondo' mapandai matoi, pai' kalaa' risilo kapoam atan ayuk ondo' raguon nilo. Anggalon am asabin nilo okou. Malimanan mu koson maayag ra tatanga' ru lingait. Kabalu' pana raginio, pai' kalaa' ra ulun-ulun gumuor no, kapoam atan ayuk ondo' raguon nilo.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MATIUS 22:15

Ulun ru Parisi naguguum koson mangkinam ri Jisus ra kukula' pangkuatan.

MATIUS 26:59

Tingganai-tingganai imam Jaudi am ngaangai' Majlis Ugama no maguyum toojo ra sasi' koson mangkinam mamparuung ri Jisus, maa' raginio maalap nilo boo Io kapatoi.

RINALATAN 6:13

Susubo' nilo sasi' ondo' maabau-abau no mindagu koson raginio, “Ulun ti masalok magasab ra Baloi Tuhan am susuban ri Aki Kapuuno' ondo' tinulisan ralalom Ukum ri Musa.

2 KORINTUS 11:12

Atan ondo' baalon kuno raino, ginio ayuk rayuson kuno, maa' raginio “rasul” ra bokon no kolondo' boo sasaban lumimbau am mindagu rokoon ra mangandoi ilo koson ramon.

1 TIMOTIUS 5:14

Ginio ra moonsoi niayuk ru napuor ra mangamulok no mangindalaki am maganak poyo, am mirot ayuk pampaugar ra kandoi nilo koson ra sangulun andu', maa' raginio ulun lumaat ritakau kolondo' boo kaluagan mampakalaat ra inggalan takau.

2 TIMOTIUS 1:7

Sabap ra pai' ru Ambiluo ri Aki Kapuuno' magibit ra guang takau malaa', kaa' sotopot no mangani' io ritakau ra kaikangan, togom am kinataan ru guang.

TITUS 2:8

Raguo' noyo pangilaan motopot ayuk ondo' kalo mauwan ru ulun, maa' raginio pantula' muno mangauyu' sabap ra kolondo' rondo' pana panguwan ritakau.

JAKUBUS 4:17

Intor raginio, ulun ondo' nakapandai ra ati rondo' moonsoi baalon no, kaa' kalo niayuk suguton no baalo', ginio karaan ra makatula io.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”