NIGIMIA 6:12 - Tanou Moonsoi Timugon

¹² Paat ra aku mampaguang toojo ra baal raginio saguli', nakaliman aku ra ragu pangkaraan ri Simaya no sala' ka intor ri Aki Kapuuno'. Kaa' i Tobia am i Sanbalat nangani' noyo ri Simaya ra rasua maa' raginio mampasaboi ra ragu pangkaraan no raki'.

NIGIMIA 6:12 ပူးပေါင်းရင်းမြစ်များ

NIGIMIA 6:11

Kaa' taam aku, “Sala' ka kaindalaman kuno koson magiru' am mansibuni. Koson ra ulun kasuangan kalo makaumpos aku ra Lamin Matulai, maaru' matoi aku. Kalo, marara' aku!”

NIGIMIA 6:13

Nambayar ilo riso koson nampakalalaa' raki' maa' raginio maya' aku ra inatang nilo, am makatula aku. Koon raginio ilo mangalap ra kaluagan koson mampalaat ra inggalan kuno am manauyu' raki'.

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.

JIRIMIA 14:14

Kaa' taam Tuhan, “Nabi-nabi raginio nagabau ralalom ru inggalan Kuno; Kalo sinusub Ku ilo, am kalo niayuk nanusub kapoam minindagu risilo. Pinaintalang ondo' tinunung nilono sala' ka intor Raki'. Manala' ilo ra baal-baal ra kolondo' onong, ondo' binaal-baal nilo galama'.

JIRIMIA 23:16

Indagu Tuhan Ondo' Maayo Kaga' Kuasa' ra mamagun ru Jirusalim, “Pai' rongogo' nabi-nabi ondo' magail mangani' ra kalansanan ondo' abau ayuk. Mampasaboi ilo ayuk ra pangkaraan galama' am sala' ka tanou intor Raki'.

JIRIMIA 23:25

Nakapandai Aku ra ngaangai' ondo' rinagu ru nabi-nabi. Ralalom inggalan Kuno nagabau ilo ra tanou Kuno inapu nilo ralalom ru inupi.

JIRIMIA 28:15

Aku pana nampasaboi boo ra ragu raginio ri Gananya, am indagu aku poyo, “Rongogo' noyo, okou Gananya! Kalo nanusub Tuhan rirun; nangkinibit kou ra bansa' ragitio mangintopot ra abau.

YEHEZKIEL 13:19

Magasab kau Raki' ra saang ru ulun Kuno koson makaalap ra sogonggom barli am kukula' ruti'. Ulun ondo' kalo musiti' matoi, potoyon min am ulun ondo' kalo musiti' maayag, polosoon min maayag. Akau pana nagabau ra ulun Kuno am mangintopot ilo ramuyun.’ ”

YEHEZKIEL 13:22

“Nabaya' ra abau mino kinalawo min guang ru ulun moonsoi, ondo' kalo masaga' Ku jamarin. Nangunsu' kau ra ulun malaat maa' raginio marayus mambaal ra kalaatan saboi kalo mabayag ilo.

YEHEZKIEL 13:7

Indagu Aku risilo: Pinaintalang ramuyun no kalo motopot, am ondo' inala' mino kalo motopot. Kamin ra ngaangai' no ragu Kuno, kaa' kalo minindagu Aku ramuyun!”

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

RINALATAN 20:33

Kalo poyo igondo' aku pakitaak ra ruit kapoam bayang ru sasangulun.

1 KORINTUS 12:10

Ambiluo raginio noyo mangani' ra sangulun ra kuasa' mambaal ra kaimuagan, am ulun ra bokon inanian no ra kapandayan mampasaboi ra bala' intor ri Aki Kapuuno'. Ulun ra bokon poyo inanian ru Ambiluo no ra kapandayan magilong ra ati ka rondo' intor ra Tuhan am ati sala'. Mokoondo' inanian ra kapandayan mindagu ra nansalinut ragu imuagan, am mokoondo' poyo inanian ra kapandayan mambala' ra arati' ru ragu imuagan no.

1 KORINTUS 2:15

Ulun ondo' nokoowot ra Ambiluo ri Aki Kapuuno' makaimumui ra ngaangai' no, kaa' kolondo' sangulun pana makaimumui ra ulun no.

1 TIMOTIUS 3:3

Am poyo kalo gagaukon, kalo makimansangor kaa' sotopot no lumomoi ayuk am makimobonsoi am kalo maringkumaa' ra kalangkayaan.

TITUS 1:7

Sangulun tingganai musiti' kolondo' sala sabap ra mangatang io ra kandoi ri Aki Kapuuno'. Kalo noyo io minsawat guang, kalo mataki' malasu' guang kapoam gagaukon, am poyo kalo maangkol-angkol kapoam maringkumaa' ra kalangkayaan ru tana' ti.

1 PITRUS 5:2

Alungi' min toojo domba ondo' pinalansan noyo ramuyun ri Aki Kapuuno'. Pai' kano kaagat guang, kaa' alungi' ilo no mabaya' ra guang matasu', sabap ragitio noyo kasagaan ri Aki Kapuuno'. Pai' min noyo kondoyo' gitio koson maguyum ayuk ra gaji' galama', kaa' alungi' ilo no ra totopot ru guang min.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

PINAINTALANG 18:13

am kaningau, apa' pampagamis ra akanon, salong, mur am kaminyan; wain am umau; tapung am gandum; sapi' am domba, kuda am kurita', am ulun pana tinalan, ioginio ulipon.