NIGIMIA 5:2 - Tanou Moonsoi Timugon

² Mokoondo' ulun ondo' mindagu, “Sasambaloi mai maayo, am makapakuan akai ra gandum koson maayag.”

NIGIMIA 5:2 ပူးပေါင်းရင်းမြစ်များ

KASAUKAN 41:57

Ulun intor ra titikop ru tana' ti matong ra pagun ru Misir mongoi bali ra gandum intor ri Jusup, sabap ra bitilan ra makalalaa' kaga' no riminalat noyo ra ati ayuk intok.

KASAUKAN 42:2

Naining ku masuang gandum ra pagun ru Misir. Ongoi kano ra giu' am pambali kau ra gandum am kalo boo matoi takau ra bitilan.”

KASAUKAN 43:8

Indagu boo i Jiuda ra ama' nano, “Paayaa' noyo anak no raki' am tumampos akai mugar, maa' raginio kolondo' sangulun pana intor ritakau ti matoi ra bitilan.

KASAUKAN 47:19

Pai' polosoo' akai matoi! Pai' polosoo' umo maino malaparan. Balio' akai am tana' maino koson pangalig ra akanon no. Akai masauk ra ulipon ru raja' am umo maino raja' ra ampu'. Anii' akai ra gandum am kalo boo matoi akai, am anii' akai niayuk ra sampug patiason mai ra umo maino!”

2 RAJA'-RAJA' 4:1

Paat ra sangarawan, napuor ru sangulun nabi minatong ri Ilisa am indagu, “Tuan, minatoi noyo ralaki kuli! Nakapandai kou ra io sangulun ondo' gumagaya' ri Aki Kapuuno' kaa' nagutang io ra sasangulun. Raino ulun no minatong koson mampagaau ra ruo ngaulun anak ungkuyon kuno am saukon ilo ra ulun inulipon koson mambayar ra utang ru ralaki kuli.”

NIGIMIA 5:3

Mokoondo' ulun ra bokon ondo' mindagu, “Nampagadai akai kalalaat ra umo, umo ru anggur am baloi mai koson mambali ra gandum maa' raginio kalo maitilan akai.”

AGAI 1:6

Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.

MALIAKI 2:2

Musiti' kau mangurumat Raki' ra binaal min. Amon ru marara' kau rumongog ra ragu Kuno, ulason Takamin. Ulason Ku ngaangai' ondo' apuon min koson ra barakat. Sotopot no, inulas Ku noyo ngaangai' no sabap ra kalo lioon min susuban Kuno.

SAGULION 23:19

“Paat ra akau mapaira' ra ruit, akanon, kapoam atan ayuk ra gino ngai' ru Israil, pai' pakitaak ra bunga'.