NIGIMIA 5:18 - Tanou Moonsoi Timugon

¹⁸ Moonong orou mamakai aku ra balanja' kuno galama', sanginan sapi', onom ngainan domba ondo' moonsoi kaga', am masuang kaga' manuk sinimbalui. Suai raginio, moonong mopor ngoorou mambaal aku ra wain bagu. Kabalu' pana raginio, kalo nangalap aku ra elaun ru gabenor sabap ra nakapandai aku ra sinaanan ru mamagun maagat noyo kaga'.

NIGIMIA 5:18 ပူးပေါင်းရင်းမြစ်များ

1 RAJA'-RAJA' 5:3

“Nakapandai kou ra Raja' Daut, ama' kuno magail mantula' kalalaat manggal ra pantula' intor ra pagun-pagun ra paginggaar nano. Kalo poyo nanaak Tuhan riso ra kamanangan ra ngaangai' ru pantula' nano, kalo nakapambaal io ra Baloi intok sumamba ra Tuhan, i Aki Kapuuno' nano.

MAZMUR 37:21

Ulun malaat magira' am kalo pasagulion no, kaa' ulun moonsoi mapataak ra kinataau ru guang no.

MAZMUR 37:26

Magail ilo mangani' am mapaira' maya' ra taau ru guang, am ngaangai' sayat nilono nasauk ra barakat risilo.

2 TISALONIKA 3:8

Kalo noyo nakipakan akai ra osoi ayuk pana. Kaa' sotopot no orou-rondom minirot akai toojo nangandoi, koson kalo nantipagon akai ra sangulun kon pana intor ramuyun.