NIGIMIA 5:15 - Tanou Moonsoi Timugon

¹⁵ Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

NIGIMIA 5:15 ပူးပေါင်းရင်းမြစ်များ

KASAUKAN 20:11

Taam i Abragam, “Indos ku, giti kolondo' osoi pana malaa' ri Aki Kapuuno' sabap saboi potoyon aku ru ulun ondo' masaga' mamundus ra andu' kuno.

KASAUKAN 42:18

Paat katalu ra orou, indagu i Jusup risilo, “Aku ti sangulun gumagaya' ri Aki Kapuuno', ampunon takamin ra rondo' kitaakon kuno.

NIGIMIA 5:16

Kinai' ku ngaangai' ikang kuno koson pambaalan saguli' ra timbok no, am sanganu pana tana' kalo nangalap aku. Moonong ulun ondo' mangandoi raki', maya' mangandoi ralalom pambaalan no.

NIGIMIA 5:9

Kopongo raginio indagu aku poyo, “Binaal mino nasala! Akau musiti' no malaa' am mangurumat ri Aki Kapuuno' am mambaal ra baal ondo' moonsoi. Koon raginio noyo, pantula' takau ondo' kalo mangintopot ri Aki Kapuuno' no, kalo makaalap ra sasaban koson magasab ritakau.

AYUP 31:23

Sabap no ra malaa' aku ra ukuman ri Aki Kapuuno', totopot kalo baani aku mambaal raginio.

MAZMUR 112:1

Omporo' noyo Tuhan! Pakaansuk noyo ulun ondo' mangurumat ra Tuhan, ondo' masaga' gumagaya' ra panusuban Nano.

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

AMSAL 16:6

Ulun ondo' gumagaya' ri Aki Kapuuno' ampunon No. Ulun ondo' mangurumat am malaa' ra Tuhan makainggalur intor ra kalaatan.

AMSAL 29:12

Amon ru sangulun mangunguasa' mampaguang ra tanou kalo motopot, ngaangai' mangngandoi nano masauk ra malaat.

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JIRIMIA 32:9

Binali ku tana' no intor ra Anamiil ra logo mopor am tulu' ngampila' ruit pirok. Piniau ku kukula' ngaulun sasi' am giu' ra saang nilo, sinainan am sinaapan ku surat pambalian ra tana' no, am tinimbang ku ruit pinambayar no.

SULABOI 5:8

Kinuasa' akai ru ulipon, am kolondo' ulun ondo' makakuasa' mampalabus ramon intor risilo.

MATIUS 5:47

Amon ru rangan mino ayuk tabion min atan niayuk bonsoi no? Ulun ondo' kalo makaulig ri Aki Kapuuno' pana mambaal niayuk koson raginio!

2 KORINTUS 11:9

Kalo igondo' aku pantipagon ramuyun, kabalu' pana ragili kolondo' ruit kutu; pabukat Kristian ondo' minatong intor ra pagun ru Makidonia noyo nangindangan pangani' ra atan ondo' kalo maukop raki'. Intor poyo ragili am suku' ra orou matong pana kalo noyo mantipagon aku ramuyun!

2 KORINTUS 12:13

Ati kia malimanan min ra kalo lioon kau intor ra pasimpungan ulun Kristian ra bokon no? Ginio kia ra kalo igondo' pantipagon aku ramuyun pakitaak ra ruit? Makimaap aku sabap ra sala kuno ramuyun no!

1 SAMUIL 8:15

Umo am umo ru anggur mino kitaakin ra cukai mopor piatus intor ra ampos no, am paatakon ru raja' ginio ra pagawai-pagawai am pagawai ru saujor ru raja' no.