NIGIMIA 5:13 - Tanou Moonsoi Timugon

¹³ Kopongo raginio iruo' ku abot am pakabulo' ginio ra saang nilo, am mindagu, “Gitio noyo ralan ri Aki Kapuuno' mangabul ra moonong ulun ra gino ngai' min ondo' kalo nanugut ra bantu' nano. Alapon ri Aki Kapuuno' baloi ru ulun no am ngaangai' longgom nano, saboi ulun no kolondo' longgom ra atan pana.” Ngaangai' ulun ondo' siminaang ra giu' no mindagu, “Amin!” am pongompor boo ra Tuhan. Tingganai-tingganai no pana nanugut ra bantu' nilo.

NIGIMIA 5:13 ပူးပေါင်းရင်းမြစ်များ

2 RAJA'-RAJA' 23:3

Minigor io ra sapapa' ru lugu' ondo' timpokon ra raja', am nambaal ra nabantuan ra Tuhan, koson gumagaya' Riso, am sumugut ra ukum am susuban Nano ra totopot ru guang am salibuor nano, am niayuk manugut ra ngaangai' kitaakon ru nabantuan ondo' tinulisan ra ralalom ru kitab no. Ngaangai' mamagun ru pagun no nambantu' koson gumagaya' ra nabantuan no.

1 TUNUNG RU BANSA' ISRAIL 16:36

Omporo' noyo Tuhan, i Aki Kapuuno' ru Israil! Omporo' noyo Io raino am sabubuoi no! Kopongo raginio ngaangai' ulun ru Israil mindagu, “Amin”, am mongompor ilo ra Tuhan.

NIGIMIA 8:6

Kon ri Ijra, “Omporo' noyo Tuhan, i Aki Kapuuno' ondo' matulai!” Ngaangai' ru ulun no napainsawat ra kalindu' am taam, “Amin! Amin!” Kopongo raginio igulatur ilo samba ri Aki Kapuuno'.

MAZMUR 119:106

Intopoton ku bantu' ondo' nagibatan kuli, koson mampaguut ra inatang Muno ondo' matimpok.

MAZMUR 50:14

Pataako' min noyo ragu paringkuanangan koson ra taak simbalui ri Aki Kapuuno', pataako' min noyo ngaangai' taak ra binantu' min Riso Ondo' Maayo Kaga' Kuasa'.

MAZMUR 76:11

Sangitan ru ulun mangkinibit ayuk ra pangamparan maayo poyo koson Rirun. Ilo ondo' naayag intor ra pangayawan mambaal ra pangiantakan Muno.

AMSAL 28:4

Osoi-osoi ondo' mampalilian ra ukum, sumaung io ra ulun malaat; osoi-osoi gumagaya' ra ukum, makimantula' io ra ulun malaat.

MAMPATANOU 5:5

Pai' polosoo' ragu muno mangkinibit rirun makatula saboi iowon mu kalalaat ra imam ra okou nasala makimabantu'. Kua nua' napasingkual kou ra sangit ri Aki Kapuuno' rirun suku' namuso Io ra ngaangai' kandoi muli?

UNTABAN 5:22

Timug ondo' maparatong ra ulas ti sumubol ralalom tinai' muno am mapakabung, am niayuk mapakumpis ra tingkuangon muno.” Ruandu' no musiti' tumaam ra, “Mangiou aku, polosoon noyo Tuhan mambaal raginio.”

MATIUS 10:14

Amon ru mokoondo' baloi kapoam bandar ondo' kalo mangapu am mangkirongog ra ragu mino, iruani' min noyo intok raginio am kabuli' min noyo kaau ru kasut mino.

RINALATAN 13:51

Ginio ra kabuli' nilo jamol ru kalayam nilai ra saang ru ulun-ulun no koson rondo' pangkaraan intor ra paliso malaat nilai. Kakabuli' nilo ayuk am ugar ilo boo ongoi ra Ikonium.

RINALATAN 18:6

Kaa' ulun-ulun minanggal riso mabaya' ra ragu malaat. Ginio ra tingkabuli' ri Paulus jamol ru bayang nali koson mansawai risilo, kono, “Akau no galama' ra sala amon ru maluus kau. Kolondo' sala kuno ramuyun. Intor raino mongoi aku ayuk pampatanou ra ulun sala' ka Jaudi.”

1 KORINTUS 14:16

Paat ra akau maringkuanang ri Aki Kapuuno' mabaya' ra ragu tinaakan ru Ambiluo no, ati kulaan ulun ra bokon ondo' kolondo' kapandayan raginio mindagu ra “Amin” ra kiasi' mino? Kalo makarati' io ra kiasi' mini.

1 SAMUIL 15:28

Ginio ra kon ri Samuil ra Raja' Saul, “Paat ra orou raiti' niayuk rinilak noyo ru Tuhan no pamarintaan ru Israil intor rirun am pinataak ginio ra ulun ra bokon ondo' moonsoi poyo intor rirun.