NIGIMIA 5:10 - Tanou Moonsoi Timugon

¹⁰ Aku galama' nampaira' noyo ra ruit am gandum ra mamagun; koon niayuk ondo' binaal ru rangan-rangan kuno am ulun ondo' mangandoi ra tayar kuno. Raino, ibok kano langgai' takau sika' makibayar saguli' ra ira' no.

NIGIMIA 5:10 ပူးပေါင်းရင်းမြစ်များ

NIGIMIA 10:32

Moonong bilor akai sigagama' mangani' limo ngagram pirok koson balanja' ra Baloi ru Tuhan.

NIGIMIA 5:11

Pusoo' noyo ngaangai' utang nilo – ruit, kapoam gandum, kapoam wain, kapoam umau jaitun. Pasagulio' umo, umo ru gandum, umo ru jaitun am baloi nilo ra mataki'!”

NIGIMIA 5:7

am imbuor aku mataki'. Sinonsol ku tingganai-tingganai am pagawai-pagawai. Indagu aku risilo, “Nagingkaut kau ra pabukat min galama'!” Aku pana nakimantuum boo ra mamagun koson manalasai ra kapaganan raginio,

NIGIMIA 5:9

Kopongo raginio indagu aku poyo, “Binaal mino nasala! Akau musiti' no malaa' am mangurumat ri Aki Kapuuno' am mambaal ra baal ondo' moonsoi. Koon raginio noyo, pantula' takau ondo' kalo mangintopot ri Aki Kapuuno' no, kalo makaalap ra sasaban koson magasab ritakau.

MAZMUR 15:5

ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.

JISAYA 58:6

Gitio noyo pali ra kasagaan Kuno: Iruo' noyo bangkil kaimbalaan am saanin ra kolondo' katimpakan, am palabuso' noyo ulun-ulun ondo' inimbolo'.

YEHEZKIEL 18:13

am niayuk makitaak ra bunga' paat mampaira' ra ruit. Maayag kia ulun no? Maaru' kalo! Nambaal io ra ngaangai' baal ondo' makauyuyu' no, am ginio ra matoi io. Mangkinibit io ra patayan nano galama'.

YEHEZKIEL 18:7

Kalo mamparuung io kapoam mantakou. Pasagulion no kuliamos ondo' inapu nano koson ra jaminan ra irain. Mampaakan io ra ulun maitilan am mangani' ra bayang ra ulun kolondo' bayang.

YEHEZKIEL 18:8

Kalo makitaak io ra bunga' paat mampaira' ra ruit. Kalo masaga' io mambaal ra malaat am mamatas io ra matimpok ralalom ru moonong pansangaran.

MIKA 2:1

Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

SAGULION 15:2

Koson ragitio ralan no: Moonong ulun ru Israil ondo' nagira' noyo ra ruit ru gino ngai' ulun ru Israil, musiti' mamuso ra utang no. Kalo pansikaan io ra utang no, sabap ra sumugut ra kapatasan ru Tuhan galama', pinuso noyo utang no.