NIGIMIA 4:7 - Tanou Moonsoi Timugon

⁷ Paat ri Sanbalat, i Tobia, ulun ru Arab, ulun ru Amon, am ulun ru Asdod nokorongog ra kandoi namuna' ra timbok ru Jirusalim no nakasingkot toojo, am ra luang-luang ra timbok no tinauban noyo, malasu' kaga' guang nilo.

NIGIMIA 4:7 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

2 RAJA'-RAJA' 24:2

Nangator Tuhan ra pulalai ru ulun malaat makakinandoi intor ra Babilonia, Siria, Moab am Amon koson manggal ra Raja' Joyakim am niayuk namuso ra Jiuda. Baal raginio noyo ondo' rinagu ru Tuhan ondo' pinabala' galing ra nabi-nabi Nano.

2 TUNUNG RU BANSA' ISRAIL 20:1

Kukula' buoi raiti, saujor ru Moab am Amon nababaya' ra paguguum nilo saujor ru Miunim, namulunsar ra Jiuda.

IJRA 5:8

“Moogot akai mambala' rirun raja' ra minongoi akai noyo ra Jiuda am nakakito ra Baloi Sambayangan koson ri Aki Kapuuno' Ondo' Maayo, tatanga' baalon saguli' ra batu mangaayo am timbok ondo' linapisan ra tataun. Kandoi no binaal ra matuyu' kaga' am matanda'.

NIGIMIA 2:10

Kaa' i Sanbalat, ulun intor ra bandar Bit-Oron, am i Tobia, pagawai intor ra wilayah Amon, nokorongog ra mokoondo' ulun ondo' matong koson mangindangan ra ulun ru Israil. Ginio boo ra ilo siminangit kaga'.

NIGIMIA 2:19

Pakapandai i Sanbalat, i Tobia am sangulun Arab ondo' ininggalanan ri Gisyim ra inatang mai no, nakakurit ilo am indagu, “Atan ondo' baalon mino? Gumuor kau kia ra raja'?”

NIGIMIA 4:1

Pokorongog i Sanbalat ra akai ulun ru Jaudi nakatalimpuun noyo namuna' ra timbok ru bandar, siminangit io kaga' am tumalimpuun magasab ramon.

NIGIMIA 4:6

Ginio ra narayus akai namuna' ra timbok. Kalo nabuoi raiti timbok no nopongo pinuna' saboi sampiruo intor ra sawat no, sabap ra mamagun nangandoi ra guang maantak.

NIGIMIA 4:8

Ginio ra naguguum ilo ngaangai' moogot mamulunsar ra Jirusalim am mambaal ra kajajawan.

NIGIMIA 6:16

Pokorongog pantula'-pantula' mai intor ra pagun-pagun paginggaar ra baal raginio, nakaliman ilo ra tinauyu' ilo, sabap ra moonong ulun nakapandai ra kandoi raginio binaal ra indangan ri Aki Kapuuno' galama'.

JIRIMIA 41:10

Kopongo raginio rinakop ri Ismail ngaangai' anak ruandu' ru raja' am ngaangai' ru ulun ondo' soroi giu' ra Mijpa, ondo' pinataak ri Nibujaradan, panglima saujor no, pinalungan ri Gidalia. Rinakop ilo ri Ismail am nagibit risilo minongoi ra tampilon wilayah Amon.

AMOS 1:13

Indagu Tuhan, “Mamagun ru Amon ruruli' noyo makatula, ginio ra maaru' ukumin Ku ilo. Paat ilo mangayou koson mapalangka' ra wilayah, lapaan nilo tinai' ru ruandu'-ruandu' maapang giu' ra Giliad.

AMOS 1:8

Iruon Ku kuasa' ru ulun-ulun manguasa' ra bandar Asdod am Askilon. Ukumin Ku bandar Ikron am mamuso ra ngaangai' ulun ru Palistin ondo' lakat poyo naayag.”

AMOS 3:9

Potonowo' tanou ti ra ulun ondo' minayan giu' ra istana Misir am Asdod, “Timung kano giu' ra bulur-bulur giu' ra liliut ru Samaria, am ilai' kajajawan am niayuk kalaatan ondo' nasauk ra giu'.”

RINALATAN 5:33

Pakaining ulun-ulun ru Majlis Ugama ra ragu ni, siminangit ilo toojo saboi masaga' ilo ra rasul-rasul no ukumin ra potoyon.

PINAINTALANG 12:17

Tambuakal no siminangit kaga' ra ruandu' no, saboi ongoyo' no tulaa' papag ra bokon intor ra ruandu' no; ioginio ngaangai' ulun ondo' gumagaya' ra panusuban ri Aki Kapuuno' am ondo' mangani' ra kaintutunan intor ri Jisus.

1 SAMUIL 11:2

Indagu Raja' Nagas, “Mambaal aku ra nabantuan ramuyun ra rondo' kitaakon: Kiulon ku unor ru mato ra pamiris ru moonong ulun ondo' nanauyu' ra ngaangai' ru ulun ru Israil.”