NIGIMIA 4:2 - Tanou Moonsoi Timugon

² Giu' ra saang ru rangan-rangan nano am pulalai ru saujor Samaria, indagu io, “Atan kia ondo' tatanga' baalon ru ulun ru Jaudi ra nausung ti? Makaguang ilo kia koson mambaal saguli' ra bandar ti? Nangkara' ilo kia ra ilo mampataak ra taak simbalui, maalap nilo kopongo kandoi no ralalom songorou? Makasauk ilo kia ra batu panambaloi intor ra tuntur ru ginsamol ondo' naumpo noyo?”

NIGIMIA 4:2 ပူးပေါင်းရင်းမြစ်များ

IJRA 4:4

Kopongo raginio mamagun ondo' lair noyo minayan giu' ra pagun no kuminam mampalawo ra guang ru ulun ru Jaudi am mampakalalaa' risilo, maa' raginio pambaalan no langgain.

NIGIMIA 12:27

Kopongo rinasmi timbok ru bandar Jirusalim, ulun ru Liwi piniau minongoi ra giu' intor ra ngaangai' intok inayanan nilo, maa' raginio sumimpung ilo ra parasmian no am marimbai ra rimbai paringkuanangan, sumbayaan ru miujik gambus am jitor.

NIGIMIA 12:43

Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

NIGIMIA 4:10

Ulun ru Jiuda pana tumalimpuun boo marimbai ra rimbai ragitio: “Malawo akai sabap nansaan ra ibit maagat, liliwa' ginsamol lakat poyo paribujuk. Kalo maikang akai mambaal ra timbok orou raiti'.”

NIGIMIA 6:15

Kopongo nangandoi buoi 52 ngoorou, ngaangai' timbok no nopongo pinuna' paat ra orou karuo ngoopor am limo ra sila' Ilul.

MAZMUR 83:4

Mampaguang ilo ra mangalaat manggal ra ulun Muno; maguguum ilo manggal ra ulun ondo' sindungin Muno.

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

JIRIMIA 33:24

“Nakapandai kou kia ra inimpayan Ku Israil am Jiuda, ruo sasambaloi ondo' pinili' Kuno? Ulun magasab ra ulun Kuno am kalo boo mangkara' risilo koson ra rondo' bansa'.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

ABAKUK 3:2

Iou Tuhan, nokorongog aku no ra intor ra binaal Muno, guang kuno natikop ra imuag. Gama' ru baalon Mu poyo binaal Muno ondo' makaimuag ra paat maiti. Pakaasi' no ramon kabalu' pana sumangit Kou.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

1 KORINTUS 1:27

Siningon ri Aki Kapuuno' nampili' ra ondo' kinara' ra sasambungon ru ulun ru tana' ti, koson mampakauyu' ra ulun-ulun mapintar no. I Aki Kapuuno' niayuk nampili' ra ondo' kinara' ra malawo ru ulun ru tana' ti, koson mampakauyu' ra ulun-ulun maikang no.