NIGIMIA 4:12 - Tanou Moonsoi Timugon

¹² Kaa' ruruli', ulun ru Jaudi ondo' minayan mamaar ra pantula' mai matong mambala' ramon ra inatangan ru pantula' no ramon.

NIGIMIA 4:12 ပူးပေါင်းရင်းမြစ်များ

KASAUKAN 31:41

Ginio noyo baal kuno buoi nangandoi rirun ra ruo ngoopor ngambilor i. Nangandoi aku buoi mopor am apat ngambilor koson makapanangandu' ra karuo ngaulun anak ruandu' muno, am buoi onom ngambilor poyo koson makaalap ra kambing am domba muno. Buoi ru ginio pana kinulau mu pinagaji' muno raki' saboi inggopor.

KASAUKAN 31:7

Kaa' rinuung no aku am kinulau no gaji' kuno saboi inggopor. Kaa' kalo pinoloso ri Aki Kapuuno' io lumaat raki'.

NIGIMIA 4:11

Indos ru pantula' mai am kalo makakito akai risilo kapoam makapandai ra baal ondo' nasauk saboi ra paat ilo namulunsar noyo ramon, am namatoi ramon am niayuk namutat ra kandoi mai.

NIGIMIA 4:13

Ginio ra inukapan ku mamagun ra ilang, tutura' am panah. Pinaayan ku ilo maya' ra bansa' ru sigagama' giu' ra talikuron ru timbok, iono giu' ra intok-intok ondo' kalo poyo pinuna'.

AYUP 19:3

Ruruli' kau magasab raki', am mononsol raki' ra kolondo' guang mauyu'.

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

UNTABAN 14:22

ra kolondo' sangulun pana ra ulun ti mongoi ra tana' raginio. Nakakito ilo noyo ra sinda ru katulayan Kuno am kaimuagan ondo' binaal Kuli giu' ra Misir am giu' ra tana' kaagisan, kaa' mararayus ilo mangkinam Raki', am marara' gumagaya' Raki'.