NIGIMIA 2:8 - Tanou Moonsoi Timugon

⁸ Suai raginio, aku niayuk nakitaak ra surat tayar ri Asap, mantatamung ra kataunan ru raja', maa' raginio mangani' io raki' ra tataun balak tayar ra kulobon garabang ru kubu ondo' masauk ra rinding paninili ra Baloi ru Tuhan, am tayar ra timbok ru bandar, am niayuk baloi ondo' ayanin kuno. Nangiou raja' ra ngaangai' kinitaak kuno sabap i Aki Kapuuno' mabaya' raki'.

NIGIMIA 2:8 ပူးပေါင်းရင်းမြစ်များ

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

IJRA 5:5

Kaa' i Aki Kapuuno' nagilong am nanindung ra tingganai ru ulun ru Jaudi no, saboi pagawai-pagawai ru pamarintaan ru Pirsia namatas koson kalo mampajajou risilo ra ilo kalo poyo mangator ra surat ra Raja' Darius am mangapu ra balos intor riso.

IJRA 6:22

Buoi tulu' ngoorou, naansukan ilo nangiantak ra Pangiantakan Ruti' Kalo Linatakan ra Ragi. Naansukan ilo sabap ra Tuhan nangkinibit ra raja' ru pagun ru Asyur mataau guang risilo, saboi io nangindangan risilo nambaal saguli' ra Baloi ru Tuhan, i Aki Kapuuno' ru Israil.

IJRA 6:8

Susubon ku niayuk poyo maa' raginio akau ngaangai' mangindangan risilo mambaal raginio. Balanja' mambaal ra Baloi ru Tuhan no musiti' bayarin ra mataki' intor ra kausinan ru pamarintaan, intor ra ampos ru cukai wilayah Iprat Kalasaan. Pai' polosoo' pambaalan no maputat!

IJRA 7:6

I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

NIGIMIA 7:2

Pinataak ku pamarintaan ru bandar Jirusalim ra pabukat kuno i Ganani am ri Gananya, panglima ru kubu pangampinan. I Gananya kolondo' pogondo' nano sabap ra io maintopot am malaa' ri Aki Kapuuno'.

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

MAMPATANOU 2:5

Mangandoi ra taman am umo ondo' tinanaman ku ra masuang kaga' puun ru kinawa'.

MAMPATANOU 2:6

Mangkali aku ra parit koson manimug ra taman am umo no.

JISAYA 66:14

Paat ra akau makakito ra kasaukan raginio, maansukan kau. Maligag kau koson ra sakot malabung. Bagu no makapandai kau ra Aku, Tuhan mangindangan ra ulun ondo' gumagaya' Raki', am pakitonon Ku sangit Kuno ra pantula' Kuno.”

DANIL 1:9

am i Aki Kapuuno' nangkinibit ri Aspinas makaasi' am motogom ri Danil.

RINALATAN 26:22

Kaa' saboi raino ti inindangan aku ri Aki Kapuuno'. Ilai' raino ti, mangani' aku niayuk ra kaintutunan kuno ra ngaangai' ulun, ondo' maatang kapoam kalo. Atan ondo' rinagu kutu koson ayuk ra ondo' pinabala' ru nabi-nabi am niayuk ri Musa:

RINALATAN 7:10

am pinalabus intor ra ngaangai' kapaganan. Paat ra io minongoi uma' ra raja' Misir i, ondo' sabiton ra Piraun, inanian io ri Aki Kapuuno' ra paliso moonsoi am kapintaran saboi raja' i nampasauk riso ra gabenor pagun raginio am magagalung ra istana.

2 KORINTUS 8:16

Paringkuanangan mai ri Aki Kapuuno' ondo' nangani' ri Titus ra kapiratan masaga' mangindangan ramuyun mogondo' ramon.