NIGIMIA 2:6 - Tanou Moonsoi Timugon

⁶ Raja' ondo' nanturung nabaya' ra andu' nano ra sapapa' nano, nangiou ra kitaakon kuno. Nangkuot raja' raki' ra kula' buoi kuno mayan ra giu', am sanggilan aku sumaguli'. Aku pana nambala' riso ra paat ru sagulian kuno.

NIGIMIA 2:6 ပူးပေါင်းရင်းမြစ်များ

NIGIMIA 1:11

Ginio ra, rongogo' noyo pakiasian kutu am pakiasian ru ulipon-ulipon Muno ra bokon, ondo' moogot mangurumat Rirun. Anii' ra kaindanganan Muno maa' raginio paat ra orou raiti' ulipon Muno makasugut makaalap ra pakimasian intor ra raja'.” Paat raginio, aku ti mampasulung ra inumon ru raja'.

NIGIMIA 13:6

Liliwa' baal raginio nasauk, kalio aku giu' ra Jirusalim sabap paat ra bilor katalu ngoopor am ruo ra pamarintaan ri Artasasta, raja' ru Babil, minongoi aku ra Babil koson mangani' ra pambalaan ra raja'. Kukula' buoi raiti bagu no nakaalap aku ra pangiawan intor ra raja'

NIGIMIA 2:4

Pangkuot raja', “Amon ru ginio poyo, atan kia gogoton muno?” Ralalom ru guang kuno makiasi' ri Aki Kapuuno' mangunguasa' giu' ra suruga',

NIGIMIA 2:5

am indagu aku ra raja', “Amon ru mangiou kou raja', am masaga' kou mangapu ra kitaakon kuno, iowo' aku mongoi ra pagun ru Jiuda, bandar intok ru kinamatuaan kuno linobong, maa' raginio makapambaal aku saguli' ra bandar no.”

NIGIMIA 5:14

Aku nasauk noyo ra gabenor ru pagun Jiuda buoi mopor am ruo ngambilor, iono intor ra bilor karuo ngoopor ra pamarintaan ru Raja' Artasasta saboi ra bilor katalu ngoopor am ruo ra pamarintaan nano. Buoi ru ginio, aku am pabukat-pabukat kuno kalo igondo' pangakan ra akanon paluntukon raki' koson ra gabenor.

JISAYA 58:12

Bandar ondo' lair noyo nasauk ra tuntur ru napuutan baalon min sagulio' ra nambaalan lair. Piawon kau ra ‘Bansa' ondo' nambaal saguli' ra timbok-timbok am nambaal saguli' ra baloi-baloi ondo' natutuk.’ ”

JISAYA 61:4

Baalon nilo saguli' bandar-bandar ondo' nakalair noyo napuut, am mapabigor ra intok-intok ondo' nakalair noyo masiluk.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.