NIGIMIA 2:4 - Tanou Moonsoi Timugon

⁴ Pangkuot raja', “Amon ru ginio poyo, atan kia gogoton muno?” Ralalom ru guang kuno makiasi' ri Aki Kapuuno' mangunguasa' giu' ra suruga',

NIGIMIA 2:4 ပူးပေါင်းရင်းမြစ်များ

2 SAMUIL 15:31

Paat ra Raja' Daut binalaan ra i Agitopil niayuk minaya' gumuor ri Absalom, pakiasi' Raja' Daut, “Iou Tuhan, sulango' bilin ri Agitopil!”

1 RAJA'-RAJA' 3:5

Kaa' rondom raginio intalang Tuhan ra Raja' Salomo ralalom ru inupi am pangkuot riso, “Atan kia masaga' muno pataakon Ku rirun?”

NIGIMIA 1:11

Ginio ra, rongogo' noyo pakiasian kutu am pakiasian ru ulipon-ulipon Muno ra bokon, ondo' moogot mangurumat Rirun. Anii' ra kaindanganan Muno maa' raginio paat ra orou raiti' ulipon Muno makasugut makaalap ra pakimasian intor ra raja'.” Paat raginio, aku ti mampasulung ra inumon ru raja'.

NIGIMIA 1:4

Pokorongog aku ra ngaangai' no, panturung aku am pantangi'. Kukula' ngoorou buoi ra aku nanulaboi am kalo nangakan ra atan pana. Pakiasi' aku ri Aki Kapuuno',

NIGIMIA 1:5

“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno.

NIGIMIA 2:20

Taam aku, “I Aki Kapuuno' mangunguasa' giu' ra suruga' mangani' ramon ra kasugutan. Akai ti ulipon Nano, am talimpuunin mai mambaal. Kaa' akau kolondo' kuasa' kapoam longgom atan pana giu' ra Jirusalim. Mulu' piboo paat ra ulun mindagu intor ra Jirusalim, inggalan min kalo sasabiton.”

NIGIMIA 2:5

am indagu aku ra raja', “Amon ru mangiou kou raja', am masaga' kou mangapu ra kitaakon kuno, iowo' aku mongoi ra pagun ru Jiuda, bandar intok ru kinamatuaan kuno linobong, maa' raginio makapambaal aku saguli' ra bandar no.”

ESTER 5:3

Raja' pana pangkuot boo, “Atan kuayan mutu, Andu' Raja' Ester? Raguo'! Mangani' aku inda' pana ru sampiruo intor ra pamarintaan kutu.”

ESTER 5:6

Paat ra ilo nagiginum ra wain, pangkuot raja' ri Ester, “Raino raguo' gogoton muno, am iowon ku. Atan pana kitaakon muno aniin ku, kabalu' pana sampiruo intor ra pamarintaan kutu!”

ESTER 7:2

koson ra kainduo. Liliwa' ilo manginum ra wain, pangkuot poyo raja', “Okou Andu' raja' Ester, atan kia gogoton muno? Raguo' noyo, am aniin tokou, kabalu' pana sampiruo intor ra pamarintaan kutu.”

MAZMUR 136:26

Paringkuanang no ri Aki Kapuuno' mangunguasa' ra suruga'; togom Nano mantilayun.

AMSAL 3:6

Karaa' noyo Tuhan ralalom nansalinut baalon muno, am manulu' Io rirun ra ralan ru kaayagan moonsoi.

MARKUS 10:51

Pangkuot i Jisus, “Atan kitaakon muno Raki'?” Taam nobolou no, “Mangingila', masaga' aku makakito.”

RINALATAN 23:19

Kitango' ru tingganai maayo ru saujor no tuu'-bagu i, ibito' no ra intok kolondo' ulun am kuati', “Atan kia pabalaan muno raki'?”

PILIPI 4:6

Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.