NIGIMIA 2:20 - Tanou Moonsoi Timugon

²⁰ Taam aku, “I Aki Kapuuno' mangunguasa' giu' ra suruga' mangani' ramon ra kasugutan. Akai ti ulipon Nano, am talimpuunin mai mambaal. Kaa' akau kolondo' kuasa' kapoam longgom atan pana giu' ra Jirusalim. Mulu' piboo paat ra ulun mindagu intor ra Jirusalim, inggalan min kalo sasabiton.”

NIGIMIA 2:20 ပူးပေါင်းရင်းမြစ်များ

2 TUNUNG RU BANSA' ISRAIL 26:5

Buoi ri Jakaria lakat poyo naayag, Raja' Ujia sumambayang ra Tuhan ra totopot, am i Aki Kapuuno' pana nambarakat riso. Nangila' i Jakaria riso maa' raginio malaa' ri Aki Kapuuno'.

IJRA 4:3

I Jirubabil, i Jisua am tingganai-tingganai ru ulun minindagu risilo, “Kalo makapakuan akai ra indangan min koson mambaal ra Baloi ru Tuhan, i Aki Kapuuno' mai. Akai galama' mambaal raginio, koson ra ondo' nanusuban ru Raja' Koris, raja' ru Pirsia.”

NIGIMIA 1:4

Pokorongog aku ra ngaangai' no, panturung aku am pantangi'. Kukula' ngoorou buoi ra aku nanulaboi am kalo nangakan ra atan pana. Pakiasi' aku ri Aki Kapuuno',

NIGIMIA 2:4

Pangkuot raja', “Amon ru ginio poyo, atan kia gogoton muno?” Ralalom ru guang kuno makiasi' ri Aki Kapuuno' mangunguasa' giu' ra suruga',

ESTER 4:11

“Osoi ayuk, ungkuyon kapoam ruandu', ukumin ra potoyon, amon ru mumpos io muma' ra raja' giu' ra istana, giu' ra liliut tampilon ra ralalom, ra kalo piawon ru raja' galama'. Ginio noyo undang-undang, am ngaangai' ulun, ondo' ulun maminson ra raja' am poyo mamagun, makapandai ra baal raginio. Mokoondo' rondo' ralan ayuk koson lumabus intor ra undang-undang raginio, iono paat ra raja' mampatutui ra jujuga' mas nano ra ulun ondo' matong uma'. Kaa' sansila' noyo raja' kalo nampiau raki'.”

MAZMUR 102:17

Amon Sion no baalon saguli' ru Tuhan, pabalaan No katulayan Nano.

MAZMUR 122:6

Pakiasi' noyo koson ra kaansayan ru Jirusalim, “Gama' ulun ondo' motogom rirun no lumangkaya'.

MAZMUR 20:5

Gama' ru manaak Io rirun ra atan gogoton muno am suguton no nansalinut guangon muno.

MAZMUR 35:27

Gama' ru ulun gumogot magilong ra aku saukon ra motopot, magitapap maansukan am ruruli' mindagu, “Tuhan no matulai kaga'; maansukan Io magilong ra linangkayaan ru ulipon Nano!”

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

KAINGKUALAN 28:29

“Makasubol i Arun ra Lamin Pansunuran, musiti' io magutau ra ondo' makabatik ra inggalan ru bansa'-bansa' ru Israil, maa' raginio Aku Tuhan, magail mangkara' ra ulun Kuno.

MAMPATANOU 7:18

Inggalur no intor ra karuruo baal ra malaat no. Amon ru mangurumat takau ri Aki Kapuuno', maaru' itakau makasugut.

JISAYA 56:5

inggalan muno pana karaan ra ralalom ru Baloi Kuno am ginio ngai' ru bansa' Kuno. Ginio moonsoi poyo ka makaanak ra ungkuyon am ruandu'. Inggalanin Takamin ra mantilayun ondo' kalo lilianin.”

IMAMAT 2:2

Ulun no musiti' magibit ra taak nano ra imam-imam papag ri Arun. Imam ondo' mapataak ra taak simbalui no musiti' mangalap ra sogonggom tapung am niayuk umau no am ngaangai' kaminyan no, am solobon ngaangai' no ra rasawat ru altar koson tatandu' ra kasalingai' no pinataak noyo ra Tuhan. Owou ru taak ra akanon no mapabansuk ra guang ru Tuhan.

IMAMAT 24:7

Anii' noyo ra kaminyan kopoyo ra moonong tinting ru ruti'. Baal ragitio tatandu' ra ruti' no taak akanon tayar ru Tuhan.

JAKARIA 6:14

Karaun no buliin giu' ra ralalom ru Baloi Kuno koson mapabansuk ri Gildai, i Tobia, i Jidaya am i Josia.”

UNTABAN 10:10

Koson raginio niayuk paat ra akau munsag; paat pangiantakan Sila' Bagu am pangiantakan ra bokon, samputi' noyo bujung-bujung raginio paat ra akau mapataak ra taak simbalui koson mapabansuk ra guang Kuno am taak simbalui koson makibarakat Raki', am mangindangan Aku ramuyun. Aku noyo Tuhan, i Aki Kapuuno' min.”

RINALATAN 10:31

Indagu io, ‘Konilius! Norongog noyo ri Aki Kapuuno' pakiasian muno am nangkara' io ra kataawan ru guang muno.

RINALATAN 10:4

Nalaa' i Konilius am nonontong ra malaikat indagu io, “Kua guat, tuan?” Taam malaikat i, “Ngaangai' pakiasian am indangan muno ra ulun musikin i naapu noyo ri Aki Kapuuno' am tumaam io rirun.

RINALATAN 8:21

Kolondo' tayar muno ralalom kandoi mai, sabap ra guang muno kalo motopot ra pagilangan ri Aki Kapuuno'.