NIGIMIA 2:19 - Tanou Moonsoi Timugon

¹⁹ Pakapandai i Sanbalat, i Tobia am sangulun Arab ondo' ininggalanan ri Gisyim ra inatang mai no, nakakurit ilo am indagu, “Atan ondo' baalon mino? Gumuor kau kia ra raja'?”

NIGIMIA 2:19 ပူးပေါင်းရင်းမြစ်များ

NIGIMIA 13:28

I Joyada iono anak ru Tingganai Maayo Imam Ilyasib, kaa' sangulun intor ra anak ri Joyada nagandu' ra anak ruandu' ri Sanbalat intor ra bandar Bit-Oron. Ginio ra nanusub aku ri Joyada nangiruan ra Jirusalim.

NIGIMIA 2:10

Kaa' i Sanbalat, ulun intor ra bandar Bit-Oron, am i Tobia, pagawai intor ra wilayah Amon, nokorongog ra mokoondo' ulun ondo' matong koson mangindangan ra ulun ru Israil. Ginio boo ra ilo siminangit kaga'.

NIGIMIA 4:1

Pokorongog i Sanbalat ra akai ulun ru Jaudi nakatalimpuun noyo namuna' ra timbok ru bandar, siminangit io kaga' am tumalimpuun magasab ramon.

NIGIMIA 6:6

Koon ragitio suang ru surat no: “Sumugut ra ragu ri Gisyim, mokoondo' raragu ra gino ngai' ru pagun-pagun paginggaar ra okou am ulun ru Jaudi moogot gumuor, am ginio noyo sasaban no ra akau namuna' ra timbok ru bandar. Minindagu io niayuk ra moogot kou sumauk ra raja',

NIGIMIA 6:9

Nangkinam ilo nampakalalaa' ramon maa' raginio lumonggo' akai mangandoi. Pakiasi' aku boo, “Iou Aki Kapuuno', kaikango' aku raino!”

AYUP 30:1

Kaa' raino ulun ondo' mamulok poyo intor raki' magasab raki'. Ragili ama' nilo totopot asabin ku koson magalung ra domba kuno mabaya' ra uku' ra magalung.

MAZMUR 123:4

Nabuoi noyo kaga' akai asasabin ru ulun langkaya', am ulason ru ulun mangimbolo' ondo' malilimbau.

MAZMUR 79:4

Ngaangai' bansa' ra paginggaar mangiis ramon; makakurit ilo am magagasab ramon.

MAZMUR 80:6

Manaak Kou ramon ra imbolo' koson ra akanon, am lomou ra masuang koson ra inumon.

MAZMUR 80:7

Polosoon Mu bansa'-bansa' ra libung no mangayou sabap ra gogot nilo mampagaau ra pagun mai; pantula'-pantula' magasab ramon.

JISAYA 36:5

Makapangkara' kau kia ra ragu-ragu ayuk makasuali ra kapintaran am kaikangan ru saujor? Osoi kia lansanin min koson mangindangan ramuyun mamulunsar ra Asyur?

JIRIMIA 20:8

Pogonong ra aku mindadagu, musiti' aku gumolok ra mapuor toojo, “Malaat kaga'! Kapusaan!” Iou Tuhan, iniis am inasaban aku ra moonong paat, sabap ra nampasaboi aku ra tanou Muno.

JIRIMIA 41:10

Kopongo raginio rinakop ri Ismail ngaangai' anak ruandu' ru raja' am ngaangai' ru ulun ondo' soroi giu' ra Mijpa, ondo' pinataak ri Nibujaradan, panglima saujor no, pinalungan ri Gidalia. Rinakop ilo ri Ismail am nagibit risilo minongoi ra tampilon wilayah Amon.

MATIUS 9:24

Indagu Io, “Ingkual kau ngaangai'! Anak ruandu' ti sala' ka minatoi; io ti nombolong ayuk.” Tumalimpuun ilo mangiis ri Jisus.

MARKUS 5:40

Kaa' kuritin Io boo. Inggalari' No boo ilo am ibito' No matuo ru anak no am talu ngaulun maamaya' Nano minumpos ra lamin ru anak no.

LUKAS 23:2

Uwin nilo i Jisus ra giu' i, konilo, “Narampatan mai ulun ti nampakalayau ra bansa' mai. Nanusub Io ra ulun masuang kalo mambayar ra cukai ra Kaisar, am migiangku ra Io no i Kristus, ioginio raja'.”

JUANIS 19:12

Korongog ri Pilatus ragu raginii, gumogot io mampalabus ri Jisus. Kaa' golok ulun masuang no, “Amon ru palabuson mu Io, sala' ka rangan kou ru Kaisar. Osoi ayuk migiangku ra raja', manggal io niayuk ri Kaisar.”

RINALATAN 24:5

Napandayan mai ulun ti masalok mampakasalula' ra kalaatan; mampajajou io ayuk ra ulun ru Jaudi ra ati ayuk intok am io poyo maningganai ra paati ru ulun ru Nasarit.

IBRANI 11:36

Mokoondo' poyo inasaban am linapos, am mokoondo' binangkil am inaput.