NIGIMIA 2:17 - Tanou Moonsoi Timugon

¹⁷ Kaa' indagu aku boo risilo, “Ilai' baal takau ondo' naimbolo' ti! Bandar ru Jirusalim soroi ayuk boo lunsai no am kulobon-kulobon garabang no ondo' napuso nosolob ru apui. Ibok baalo' takau saguli' timbok ru bandar maa' raginio kalo boo asabin takau.”

NIGIMIA 2:17 ပူးပေါင်းရင်းမြစ်များ

IJRA 9:9

Kalo nangiruan Kou ramon paat ra akai lakat poyo ra pangulipanan. Binaal Mu raja' ru Pirsia naansayan am nangiou ramon maayag am niayuk nambaal saguli' ra Baloi Muno ondo' nalunsai no. Nangani' Kou ramon ra sindungan giu' ra Jiuda am giu' ra Jirusalim.

NIGIMIA 1:3

Nantunung ilo ra ulun ragili ondo' pinatiran ondo' siminaguli' noyo ra pamagunan galama', raino naayag ra naimbolo' am inasaban ru bansa'-bansa' ra bokon ondo' minayan giu' ra paginggaar nilo. Inambai poyo ra timbok ru Jirusalim lakat poyo nangalunsai, am kulobon-kulobon garabang nano kalo poyo pinuna' intor ra nosolob ragili.

NIGIMIA 2:13

Orou lakat poyo molondom paat ra aku miningkual intor ra bandar nansail ra Kulobon Garabang Limayak giu' ra tampilon kalasaan, am minongoi aku ra tampilon rabugus, nansail ra Taur ru timug Tambuakal, minongoi ra Kulobon Garabang Ginsamol. Buoi ru pangkiralanan no, inilayan ku toojo timbok ru bandar ondo' nangaaba' am kulobon-kulobon garabang nano napuso nosolob ru apui.

NIGIMIA 2:16

Kolondo' sangulun pana ra pagawai ru pagun no nakapandai ra ati inangayan kuno am binaal kuno. Polos raginio kalo poyo nambala' aku ra osoi pana ra gino ngai' ru ulun ru Jaudi, imam-imam, tingganai-tingganai, pagawai kapoam osoi ayuk ondo' maya' mambaal saguli' ra bandar Jirusalim.

NIGIMIA 3:15

I Salum anak ri Kolgoji, mangunguasa' ra libung Mijpa, nambaal saguli' ra Kulobon Garabang Taur ru timug. Napaatang ilo ra taap ra kulobon garabang no, napaatang ra angob-angob ru kulobon, paku'-paku' tataun am tataun-tataun pangalor ra kulobon garabang. Giu' ra Kulam Sila, nambaal io ra tayar ru timbok mamaar ra taman istana saboi ra tukar ondo' tumuun intor ra Bandar Daut.

MAZMUR 102:15

Kabalu' pana Sion no nagagai, ngaangai' ru ulipon Muno motogom riso; kabalu' pana Sion no naluyu', makaasi' ilo riso.

MAZMUR 44:13

Tinalan Mu ulun Muno ra atang kalo mologo, ra kalo mangalap ra sanganu pana kaulian.

MAZMUR 44:14

Sinauk Mu akai ra asasabin ru sambalayan mai; manauyu' ilo am makakurit ramon.

MAZMUR 79:12

Iou Tuhan, balasi' noyo bansa'-bansa' raginio intulu' ruli', sabap ra nagasaban nilo Rirun.

MAZMUR 79:4

Ngaangai' bansa' ra paginggaar mangiis ramon; makakurit ilo am magagasab ramon.

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

SULABOI 3:51

Guang kuno mangiluk paat magilong ra baal ondo' nasauk ra bala ruandu' giu' ra bandar mai.

YEHEZKIEL 5:14

Moonong ulun intor ra pagun-pagun ra paginggaar ondo' mansail rirun magasab am minggalur rirun.

MIKA 7:11

Mamagun ru Jirusalim kau ngai', bulintok koson mambaal saguli' ra timbok-timbok ru bandar nasuku' noyo. Paat raginio intok min kalangkaan.

1 SAMUIL 11:2

Indagu Raja' Nagas, “Mambaal aku ra nabantuan ramuyun ra rondo' kitaakon: Kiulon ku unor ru mato ra pamiris ru moonong ulun ondo' nanauyu' ra ngaangai' ru ulun ru Israil.”