NIGIMIA 13:31 - Tanou Moonsoi Timugon

³¹ Nangaru' aku no ra paat ra ulun ondo' magibit ra luton koson monolob ra taak simbalui, am paat ra ulun magibit ra taak nilo, iono ampos ru unor-unor am kikinawa' ondo' kasaa' maansak. Iou Aki Kapuuno', karaa' noyo ngaangai' baal ragitio, am barakato' noyo aku.

NIGIMIA 13:31 ပူးပေါင်းရင်းမြစ်များ

NIGIMIA 10:34

Moonong bilor akai mamagun ru Israil, imam-imam am ulun-ulun ru Liwi magugundi' koson mangaru' ra bansa' ra ati ondo' musiti' mangalap ra luton koson monolob ra taak simbalui ondo' pataakon ra Tuhan, i Aki Kapuuno' mai, sumugut ra aturan ru Taurat.

NIGIMIA 10:35

Moonong bilor magibit akai ra unor-unor ondo' kasaa' kinumos am kikinawa' ondo' kasaa' naansak intor ra puun, ra Baloi ru Tuhan.

NIGIMIA 10:38

Sangulun imam papag ri Arun musiti' mabaya' ra ulun ru Liwi bulintok taak sampiopor no umungon. Ulun ru Liwi musiti' mambuli sampiopor intor ra ngaangai' taak sampiopor no giu' ra ralalom ru intok-intok pambulian ra ulaan giu' ra Baloi ru Tuhan.

NIGIMIA 13:14

Iou Aki Kapuuno', karaa' noyo ngaangai' ondo' binaal kuno ra tayar Baloi ru Tuhan am sambayang ra giu' no.

NIGIMIA 13:22

Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat. Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.

NIGIMIA 5:19

Makitaak aku Rirun, iou Aki Kapuuno', karaa' noyo ngaangai' ondo' binaal moonsoi kuno ra bansa' ragitio, am barakato' aku no.

MAZMUR 106:4

Karaa' aku no, iou Tuhan, bulintok ra Okou mangindangan ra ulun Muno; bayago' aku niayuk, bulintok ra Okou mamayag risilo.

MAZMUR 25:7

Ampuno' noyo ngaangai' tula am nasalaan kuno intor ra aku mamulok. Iou Tuhan, ralalom ru katagaman am kaansayan Muno karaa' aku no.

LUKAS 23:42

Indagu io boo ri Jisus, “Jisus, karaa' aku no, paat ra Okou saukon ra raja'!”