NIGIMIA 13:28 - Tanou Moonsoi Timugon

²⁸ I Joyada iono anak ru Tingganai Maayo Imam Ilyasib, kaa' sangulun intor ra anak ri Joyada nagandu' ra anak ruandu' ri Sanbalat intor ra bandar Bit-Oron. Ginio ra nanusub aku ri Joyada nangiruan ra Jirusalim.

NIGIMIA 13:28 ပူးပေါင်းရင်းမြစ်များ

IJRA 10:8

Ginio noyo susuban ra tingganai-tingganai ru mamagun. Osoi ayuk ondo' kalo makasaang ralalom ru talu ngoorou, ngaangai' rapu' longgom nano talingaawon, am io kalo boo karaan koson ra ulun ru bansa' ru Israil.

NIGIMIA 12:10

Gitilo noyo suang ru papag ru Tingganai Maayo Imam Jisua: I Jisua ama' ri Joyakim; Joyakim ama' ri Ilyasib; Ilyasib ama' ri Joyada;

NIGIMIA 12:22

Suang ru inggalan ru tingganai-tingganai ru imam am ulun ru Liwi binaal bulintok ra Tingganai Maayo Imam ragitio: I Ilyasib, Joyada, Joganan am Jadua. Suang ru inggalan raginio nopongo bulintok ri Darius nasauk ra raja' ru Pirsia.

NIGIMIA 13:25

Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon.

NIGIMIA 2:10

Kaa' i Sanbalat, ulun intor ra bandar Bit-Oron, am i Tobia, pagawai intor ra wilayah Amon, nokorongog ra mokoondo' ulun ondo' matong koson mangindangan ra ulun ru Israil. Ginio boo ra ilo siminangit kaga'.

NIGIMIA 2:19

Pakapandai i Sanbalat, i Tobia am sangulun Arab ondo' ininggalanan ri Gisyim ra inatang mai no, nakakurit ilo am indagu, “Atan ondo' baalon mino? Gumuor kau kia ra raja'?”

NIGIMIA 3:1

Gitio noyo ralan ra timbok ru bandar Jirusalim pinuna'. Tingganai Maayo Imam Ilyasib am imam-imam ra bokon nambaal saguli' ra Kulobon Garabang Domba, napatapuli' ra angob-angob ru kulobon no am patimpokon ngaangai' no. Patimpokon nilo timbok saboi ra Manara Maatus am Manara Gananil.

NIGIMIA 4:1

Pokorongog i Sanbalat ra akai ulun ru Jaudi nakatalimpuun noyo namuna' ra timbok ru bandar, siminangit io kaga' am tumalimpuun magasab ramon.

MAZMUR 101:8

Moonong orou pusoon ku ulun malaat ra pagun takau; ngaangai' ru ulun malaat inggalarin ku intor ra bandar ru Tuhan.

AMSAL 20:26

Raja' ra mapintar makaulig ra ulun malaat; kalo makaasi' raja' no mangukum risilo.

AMSAL 20:8

Bulintok ra raja' mangakim, makito ru raja' atan ondo' malaat.