NIGIMIA 13:26 - Tanou Moonsoi Timugon

²⁶ Indagu aku risilo, “Ruandu' bansa' ra bokon noyo ondo' nangkinibit ra Raja' Salomo makatula. Raja' Salomo nakatabual poyo inggalan intor ra raja'-raja' ra bansa' ra bokon. Motogom i Aki Kapuuno' riso am nampasauk riso ra raja' ru titikop ru Israil. Kabalu' pana koon raginio, makatula io sabap ra inambi' ru ruandu' bansa' ra bokon.

NIGIMIA 13:26 ပူးပေါင်းရင်းမြစ်များ

1 RAJA'-RAJA' 21:25

Kolondo' osoi pana ondo' igondo' nambaal ra malaat ra pagilangan ru Tuhan nakasail intor ra Raja' Agab – ngaangai' ru kalaatan no binaal sabap ra nasusuk ru andu' nano i Ijibil.

1 RAJA'-RAJA' 3:12

iowon Ku kitaakon muno. Manaak Aku rirun ra kapintaran am karatian ondo' kalo igondo' linonggom kapoam longgomon ru osoi pana.

1 RAJA'-RAJA' 3:13

Mangani' Aku niayuk ra baal ondo' kalo kinitaak muno: buoi ru bayag muno masauk kou ra langkaya' poyo am urumaton poyo ru ulun intor ra ati pana raja'.

1 RAJA'-RAJA' 4:1

Raja' Salomo nasauk ra raja' ra titikop ru pagun ru Israil.

2 TUNUNG RU BANSA' ISRAIL 1:12

Mangani' Aku rirun ra kapintaran am kapandayan. Suai raginio, mangani' Aku niayuk rirun ra kalangkayaan am rapu' ondo' masuang poyo kaga', am niayuk mampasauk rirun ra mauligan kaga' intor ra raja' ra bokon ondo' paat ra galing i am poyo paat ra orou tauli no.”

2 TUNUNG RU BANSA' ISRAIL 9:22

Raja' Salomo langkaya' poyo am mapintar poyo intor ra raja' ra bokon giti ra tana' ti.

AMSAL 31:3

Pai' koyoo' ikang muno ra ruandu', am pai' awayo' ruit muno ra ruandu'; masuang noyo raja' rinatuan nilo.

MAMPATANOU 7:26

Nakapandai aku no ra baal ragitio mapait poyo intor ra kapatayan: Guang lumaai ru ruandu' koson ra ralo kapoam landak ondo' nakatampos mamparakop ra ondo' rokopon nano. Ganggol nano koson ra bangkil ondo' nakabangkil ra naigot. Ulun ondo' nambaal ra kasagaan ri Aki Kapuuno' makalabus, kaa' ulun makatula rokopon.