NIGIMIA 13:25 - Tanou Moonsoi Timugon

²⁵ Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon.

NIGIMIA 13:25 ပူးပေါင်းရင်းမြစ်များ

2 RAJA'-RAJA' 2:24

Likar i Ilisa, ponontong ra lalaing-lalaing no, am pagulas risilo ralalom inggalan ru Tuhan. Kopongo raginio ruo ngainan baawang ruandu' miningkual intor ra kataunan am bibinsango' inan ru apat ngoopor am ruo ngaulun intor ra lalaing-lalaing no.

IJRA 10:5

Ginio ra tumalimpuun i Ijra mingkuor ra manusub ra tingganai-tingganai ru imam, ulun-ulun ru Liwi am ulun ru Israil ra bokon magibot ra baalon nilo inatangan ri Sikania.

IJRA 7:26

Osoi ayuk ondo' kalo gumagaya' ra ukum ri Aki Kapuuno' muno kapoam undang-undang ru pamarintaan, musiti' ukumin ra pulaliin ra ukuman matoi, kapoam patirin, kapoam gaawon rapu' kapoam ukumin ra aputon.”

NIGIMIA 13:11

Nansawai aku ra pagawai-pagawai sabap ra nampalilian ra Baloi ru Tuhan. Piawo' ku boo ulun ru Liwi am ulun-ulun mangkuli ra miujik muli' ra Baloi ru Tuhan am nanusub risilo nangandoi saguli'.

NIGIMIA 13:17

Nansawai aku ra tingganai-tingganai ru Jaudi. Indagu aku, “Ilai' binaal min ra malaat no! Jinamalan min orou Sabat.

NIGIMIA 13:24

Santayaran ra anak nilo mindagu ra ragu ru Asdod kapoam ragu ra bokon, kaa' kalo mapandai ilo mindagu ra ragu mai.

NIGIMIA 5:13

Kopongo raginio iruo' ku abot am pakabulo' ginio ra saang nilo, am mindagu, “Gitio noyo ralan ri Aki Kapuuno' mangabul ra moonong ulun ra gino ngai' min ondo' kalo nanugut ra bantu' nano. Alapon ri Aki Kapuuno' baloi ru ulun no am ngaangai' longgom nano, saboi ulun no kolondo' longgom ra atan pana.” Ngaangai' ulun ondo' siminaang ra giu' no mindagu, “Amin!” am pongompor boo ra Tuhan. Tingganai-tingganai no pana nanugut ra bantu' nilo.

NIGIMIA 5:6

Pokorongog aku ra butok nilono, siminangit aku kaga'

MAZMUR 119:53

Sumangit aku toojo ra ulun malaat bulintok ra ilo manggal ra Ukum Muno.

MAZMUR 15:4

ondo' magasab ra ulun ra kalo kasagain ri Aki Kapuuno', kaa' mangurumat ra ulun ondo' gumagaya' ra Tuhan; ondo' magail manugut ra bantu' nilo, kabalu' pana papalo nilo ayuk;

KAINGKUALAN 34:16

Anak ungkuyon mino maaru' maguot ra anak ruandu' nilono, ondo' mangkinibit ra anak ungkuyon mino kalo boo gumagaya' Raki', am sumamba ra tuhan ra bokon.

AMSAL 28:4

Osoi-osoi ondo' mampalilian ra ukum, sumaung io ra ulun malaat; osoi-osoi gumagaya' ra ukum, makimantula' io ra ulun malaat.

JISAYA 50:6

Patungayon ku tumbung kuno ra ulun ondo' mampalamba' raki'; am pingas kuno ra ulun ondo' mamubul ra jangut kuno. Kalo patalikuron ku bulos kuno bulintok ra aku asabin am tiwagin.

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

SAGULION 7:3

Pai' paguot risilo, am pai' polosoo' anak-anak min maguot risilo,

JOSUA 23:12

Amon ru kalo gumagaya' kau, am kumubayau kau ra ngaangai' bansa' ondo' lakat poyo soroi ra tatanga' min, am naguguot kau risilo,