NIGIMIA 13:23 - Tanou Moonsoi Timugon

²³ Paat raginio nakito ku niayuk masuang ungkuyon ru Jaudi ondo' nagandu' noyo ra ruandu' ru bansa' ru Asdod, Amon am Moab.

NIGIMIA 13:23 ပူးပေါင်းရင်းမြစ်များ

1 RAJA'-RAJA' 11:1

Raja' Salomo no malaai ra masuang ruandu' bansa' ru bokon. Suai ra anak ruandu' ru raja' ru Misir no, io niayuk nanangandu' ra ruandu' ru Git, Moab, Amon, Idom am Sidon.

IJRA 10:10

Imam Ijra pana minigor boo am indagu ra ulun raginio, “Makatula kau noyo am rinuangan kasalaan ru Israil sabap ra nanangandu' ra ruandu' ru bansa' ra bokon.

IJRA 10:44

Ngaangai' ulun no nanangandu' ra ruandu' bansa' ra bokon. Andu'-andu' nilo pana inali am pinagiru' nababaya' ra anak-anak nilo.

NIGIMIA 10:30

Magibot akai kalo matagandu' ra ulun bansa' ra bokon ondo' minayan ra pagun mai.

NIGIMIA 10:31

Amon ru ulun bansa' ra bokon matong mantalan ra gandum kapoam atan ayuk ramon paat ra orou Sabat, kapoam paat ra orou-orou mapasau ra bokon, kalo balion mai intor risilo. Paat ra moonong bilor katulu', kalo mantanom akai ra umo, am ngaangai' utang pusoon mai.

NIGIMIA 13:1

Bulintok ra Taurat ri Musa binasa' ra mamagun, norongog nilo ra ulun ru Amon am Moab kalo iowon mongoi amung ra ulun ri Aki Kapuuno'.

NIGIMIA 13:24

Santayaran ra anak nilo mindagu ra ragu ru Asdod kapoam ragu ra bokon, kaa' kalo mapandai ilo mindagu ra ragu mai.

NIGIMIA 13:27

Mapara' kia laat ru binaal mino! Baani kau manggal ri Aki Kapuuno' ra nagagandu' ra ruandu' bansa' ra bokon!”

NIGIMIA 4:7

Paat ri Sanbalat, i Tobia, ulun ru Arab, ulun ru Amon, am ulun ru Asdod nokorongog ra kandoi namuna' ra timbok ru Jirusalim no nakasingkot toojo, am ra luang-luang ra timbok no tinauban noyo, malasu' kaga' guang nilo.

KAINGKUALAN 34:11

Gagayaa' noyo ukum ondo' taakin Kuno ramuyun ra orou raiti'. Pagiruon Ku ulun ru Amori, Kanaan, Git, Piris, Giwi am Jibusi paat ra akau mongoi ra giu'.

2 KORINTUS 6:14

Pai' kau pakimaguyu ra ulun ondo' kalo mangintopot ra Tuhan. Ginio kalo noyo matanda'. Sabap ra ati kulaan katapatan masimpung ra kalaatan? Kapoam sinda magapu ra kalandaman?

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

RUT 1:4

Anak-anak ungkuyon nano nanangandu' ra ruandu' ru Moab, ondo' ininggalanan ri Orpa am i Rut. Pakaayan ilo ra Moab buoi mopor ngambilor,

1 SAMUIL 5:1

Kopongo ulun ru Palistin napagaau ra Kaban Nabantuan, inibit nilo ginio intor ra Ibin-Gaijir minongoi ra Asdod, bandar nilono.