NIGIMIA 13:22 - Tanou Moonsoi Timugon

²² Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat. Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.

NIGIMIA 13:22 ပူးပေါင်းရင်းမြစ်များ

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

2 RAJA'-RAJA' 23:4

Kopongo raginio Raja' Josia namarinta ra Tingganai maayo Imam Ilkia, imam ra mangingindangan, am mantamung ondo' mangandoi giu' ra kulobon Baloi ru Tuhan maa' raginio mangingkual ra ngaangai' kuliamos ondo' pinakai koson sumamba ra Baal, Dewi Asyira, am butitin-butitin. Sinolob ru Raja' Josia ngaangai' kuliamos no giu' ra liwar ru bandar, mamaar ra Limayak Kidron, am kaau no inibit ra Bitil.

2 TUNUNG RU BANSA' ISRAIL 29:24

Kopongo raginio, imam-imam nanimbalui ra kambing-kambing am pasasaro' raraa' ru kambing giu' ra rasawat ru altar, koson mamuso ra tula ru ngaangai' mamagun, sabap ra nanusub noyo raja' risilo mampataak ra taak simbalui koson mapabansuk ra guang ru Tuhan am taak simbalui koson mangampun ra tula ru ngaangai' mamagun ru Israil.

2 TUNUNG RU BANSA' ISRAIL 29:27

Nanusub Raja' Gijkia maa' raginio taak simbalui koson mapabansuk ra guang ru Tuhan pataakon. Liliwa' taak simbalui pataakon, mamagun narimbai ra rimbai pangamparan ra Tuhan, am ulun-ulun mangkuli ra miujik pana tumalimpuun manamput ra bujung am mangkuli ra kuliamos miujik ra bokon.

2 TUNUNG RU BANSA' ISRAIL 29:30

Raja' am tingganai-tingganai ru bansa' nanusub ra ulun-ulun ru Liwi marimbai ra rimbai pangamparan ra Tuhan, rimbai ondo' sinulabit ru Raja' Daut am Nabi Asap. Ngaangai' boo ru ulun narimbai ra naansukan liliwa' migulatur am samba ri Aki Kapuuno'.

NIGIMIA 12:10

Gitilo noyo suang ru papag ru Tingganai Maayo Imam Jisua: I Jisua ama' ri Joyakim; Joyakim ama' ri Ilyasib; Ilyasib ama' ri Joyada;

NIGIMIA 12:30

Imam-imam am ulun-ulun ru Liwi nampaugar ra upacara pamasawan ra tayar ru inan nilo galama', am tauli no ra tayar mamagun am niayuk tayar ra kulobon garabang am timbok ru bandar.

NIGIMIA 13:14

Iou Aki Kapuuno', karaa' noyo ngaangai' ondo' binaal kuno ra tayar Baloi ru Tuhan am sambayang ra giu' no.

NIGIMIA 13:31

Nangaru' aku no ra paat ra ulun ondo' magibit ra luton koson monolob ra taak simbalui, am paat ra ulun magibit ra taak nilo, iono ampos ru unor-unor am kikinawa' ondo' kasaa' maansak. Iou Aki Kapuuno', karaa' noyo ngaangai' baal ragitio, am barakato' noyo aku.

NIGIMIA 5:19

Makitaak aku Rirun, iou Aki Kapuuno', karaa' noyo ngaangai' ondo' binaal moonsoi kuno ra bansa' ragitio, am barakato' aku no.

MAZMUR 130:7

Akau Israil, lansan kano ra Tuhan, sabap Io maaru' monogom am masalok tumampos mamayag ramuyun.

MAZMUR 5:7

Pusoon Mu ngaangai' ulun magabau, am magasab ra ulun mamamatoi am mamparuung.

MAZMUR 51:1

Ra tingganai ru santimungan maririmbai. Mazmur ri Daut

JISAYA 38:3

“Karaa' noyo, iou Tuhan, aku ti mangandoi ayuk Rirun, gumagaya' am sumugut, am masalok aku mompogogot koson mambaal ra kasagaan Muno.” Raja' pana nantangi' am mangiluk guang.

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

SAGULION 5:12

‘Iantako' noyo orou Sabat am urumato' noyo orou raginio koson orou ondo' matulai, koson ondo' nanusuban Kuno Tuhan i Aki Kapuuno' min.