NIGIMIA 13:2 - Tanou Moonsoi Timugon

² Baal no koon raginio paat ra ulun ru Israil ralalom pangkiralanan intor ra Misir, bansa' ru Amon am Moab marara' mangani' risilo ra akanon am inumon. Gili boo ginajian nilo i Biliam maa' raginio magulas ra bansa' ru Israil kaa' i Aki Kapuuno' takau nangulau ra ulas no nasauk ra barakat.

NIGIMIA 13:2 ပူးပေါင်းရင်းမြစ်များ

MAZMUR 109:28

Kabalu' pana magulas ilo raki', kaa' barakaton Mu aku. Polosoon noyo ilo ondo' mangimbolo' raki' no kalaan, am gama' ru bansukon aku ti, ulipon Mutu.

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

UNTABAN 23:18

am raguo' ri Biliam ragu inala' ragitio, “Okou Raja' Balak anak ri Jipor, rongogo' ragu kutu.

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

SAGULION 23:3

“Ulun ru Amon am ulun ru Moab am niayuk papag nilo saboi ra ondo' koopor, kalo masauk ra ulun ru Tuhan.

SAGULION 23:4

Kalo masaga' ilo mangani' ramuyun ra akanon am timug paat pangkiralanan min miningkual intor ra Misir. Nambayar ilo ri Biliam anak ri Bior, intor ra bandar Pitor giu' ra Misopotamia, koson nagulas ramuyun.

SAGULION 23:5

Kaa' Tuhan i Aki Kapuuno' min kalo masaga' rumongog ri Biliam. Kaa' nangulau Io ra ulas no nasauk ra barakat, sabap ra motogom Io ramuyun.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.