NIGIMIA 13:15 - Tanou Moonsoi Timugon

¹⁵ Paat raginio nakito ku mamagun ru Jiuda namaga' ra kawa' ru anggur paat ra orou Sabat. Santayaran ra ulun bokon nampasakoi ra unor-unor, kawa' ru anggur, kawa' ru ara am kuliamos ra bokon ra bakulung ru kaladai nilo, am inibit ginio ra Jirusalim. Pinakara' ku ilo maa' raginio kalo mantalan ra atan pana paat ra orou Sabat.

NIGIMIA 13:15 ပူးပေါင်းရင်းမြစ်များ

2 TUNUNG RU BANSA' ISRAIL 24:19

Nanusub Tuhan ra nabi-nabi koson mampakara' risilo maa' raginio sumaguli' mangandoi ayuk Riso, kaa' kalo riminongog ilo.

NIGIMIA 10:31

Amon ru ulun bansa' ra bokon matong mantalan ra gandum kapoam atan ayuk ramon paat ra orou Sabat, kapoam paat ra orou-orou mapasau ra bokon, kalo balion mai intor risilo. Paat ra moonong bilor katulu', kalo mantanom akai ra umo, am ngaangai' utang pusoon mai.

NIGIMIA 10:32

Moonong bilor akai sigagama' mangani' limo ngagram pirok koson balanja' ra Baloi ru Tuhan.

NIGIMIA 13:16

Kukula' ngaulun intor ra Tirus ondo' minayan giu' ra Jirusalim nagibit ra papait am mansalinut kuliamos ra Jirusalim, am tinalan nilo ra ulun ru Jaudi paat ra orou Sabat.

NIGIMIA 13:21

Pinakara' ku ilo, “Kolondo' onong min masuaban maginaa ra giu' no. Amon ru baalon min poyo baal raginio, moporos timbalos kuno ramuyun.” Intor raginio kalo boo minatong ilo paat ra orou Sabat.

NIGIMIA 9:29

Nampakara' Kou maa' raginio gumagaya' ilo ra pangilaan Muno, kaa' nabaya' ra limbau inimpayan nilo ukum Muno. Alika ulun ondo' mambaal ra Taurat Muno mokoowot ra kaayagan, kaa' bambalingatan ilo, kalo gumagaya' am marara' rumongog.

AYUP 39:12

Malansan kou kia ra sapi' masigo koson manimung ra kumoson, am magibit ra ampos ru tinanom muno mongoi ra intok pangagikan?

MAZMUR 50:7

“Rongogo' noyo, akau ulun Kuno, mindagu Aku; sonsolon Takamin, akau Israil. Aku no i Aki Kapuuno', i Aki Kapuuno' min.

KAINGKUALAN 31:12

Nanusub Tuhan ri Musa

KAINGKUALAN 31:16

Musiti' ulun ru Israil mangiantak ra orou no koson tatandu' nabantuan.

KAINGKUALAN 34:21

“Mokoonom ngoorou kau mangandoi, kaa' pai' pangandoi ra orou katulu', kabalu' pana makapaat ra mamparadu' kapoam mangkumos.

KAINGKUALAN 35:2

Mokoonom ngoorou kau mangandoi, kaa' musiti' karaan orou ra katulu' no ra matulai; orou raginio orou tangusan patimpokon ra Tuhan. Osoi mangandoi paat ra orou raginio musiti' potoyon.

AMSAL 28:4

Osoi-osoi ondo' mampalilian ra ukum, sumaung io ra ulun malaat; osoi-osoi gumagaya' ra ukum, makimantula' io ra ulun malaat.

JISAYA 58:13

Mindagu Tuhan, “Urumato' noyo orou Sabat koson ra orou ru Tuhan. Pai' pambaal ra kandoi koson kaatangan muno galama' ra orou raginio. Iantako' noyo orou raginio koson ra orou kaansukan; urumato' noyo orou ru Tuhan ra kalo saugar-ugar; pai' niayuk pangandoi kapoam mindagu ra kolondo' onong.

JIRIMIA 17:24

Gagaya' no ra ngaangai' susuban Kuno. Pai' pangkayang ra maagat mansail ra kulobon garabang ru bandar no paat ra orou Sabat. Iantako' orou Sabat koson ra orou ondo' patimpokon Raki', am pai' pangandoi paat ra orou raginio.

JIRIMIA 17:27

Ngaangai' baal raginio masauk paat ra akau gumagaya' Raki' am mangiantak ra orou Sabat koson ra orou ondo' patimpokon ayuk Raki'. Pai' pangkayang ra maagat mansail ra kulobon-kulobon garabang ru Jirusalim paat ra orou raginio. Amon ru manggal kau ra susuban Kuno, solobon Ku koyoo' kulobon-kulobon garabang ru Jirusalim am niayuk istana-istana nano, am apui no kalo malasa' ru osoi pana.’ ”

JIRIMIA 42:19

Aku pana mindagu poyo, “Nambala' noyo Tuhan ramuyun ngaangai' ondo' lakat poyo soroi giu' ra Jiuda maa' raginio kalo mongoi ra Misir. Ginio ra akau pakaraan Ku raino,

YEHEZKIEL 20:13

Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

AMOS 8:5

Kamin, “Sanggilan kia maampus orou pangiantakan maa' raginio makapantalan takau poyo ra gandum? Mabuoi kaga' pangiantakan ti. Sanggilan kia sailan ru orou Sabat maa' raginio makapantalan takapo? Itakau pana makitaak ra masawat toojo logo. Pakayon takau panuku' am timbangan ondo' kalo motopot koson mamparuung ra ulun mambali.

MIKA 6:3

Indagu Tuhan, “Ulun Ku ngai', atan nua' binaal Kuno ramuyun? Ralalom ru baal atan nua' nantipagon Aku ramuyun? Taamo' noyo.

RINALATAN 2:40

Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

GALATIA 5:3

Igondo' poyo aku mampakara' ramuyun: Osoi masaga' sunatin, ulun no musiti' mampagagaya' poyo ra ngaangai' ru Ukum ri Musa no!

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

SAGULION 8:19

Pai' liliani' Tuhan i Aki Kapuuno' min am pai' ongoi ra tuhan-tuhan ra bokon koson sumamba am mangandoi ra tuhan-tuhan raginio. Pakaraan Takamin ra orou raiti' ra amon mambaal kau niayuk, maaru' mapuso kau.

1 TISALONIKA 4:6

Intor ra baal ragitio, pai' kano pambaal ra kasalaan kapoam mamparuung ra pabukat min ra Kristian. Sabap ra nakapansawai akai noyo toojo ramuyun ragili ra Tuhan noyo ondo' mangukum ra ngaangai' baal koson raginio.