NIGIMIA 13:14 - Tanou Moonsoi Timugon

¹⁴ Iou Aki Kapuuno', karaa' noyo ngaangai' ondo' binaal kuno ra tayar Baloi ru Tuhan am sambayang ra giu' no.

NIGIMIA 13:14 ပူးပေါင်းရင်းမြစ်များ

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

1 TUNUNG RU BANSA' ISRAIL 29:3

Suai raginio, pinataak ku noyo pirok am mas intor ra rapu' longgom kuno galama' sabap ra togom kuno ra baloi ri Aki Kapuuno' kuno.

2 TUNUNG RU BANSA' ISRAIL 24:16

Linobong io giu' ra kalabangan ru raja' giu' ra Bandar Daut, koson mangkara' ra binaal moonsoi nano ri Aki Kapuuno', Baloi ru Tuhan am ulun ru Israil.

IJRA 7:20

Ngaangai' pakuan ra bokon ondo' akau makapakuan koson ra Baloi ru Tuhan, pakitaak kau intor ra kausinan ru pamarintaan.

IJRA 7:24

Pai' kitaaki' ra cukai intor ra imam-imam, ulun-ulun ru Liwi, ulun-ulun maririmbai, ulun-ulun magalung ra kulobon garabang, ulun-ulun mangngandoi, kapoam osoi ayuk ondo' makakulawit ra Baloi ru Tuhan.

IJRA 7:27

Kopongo raginio indagu i Ijra, “Koompor noyo Tuhan, i Aki Kapuuno' ru kinamatuaan takau! Binuir no guang ru raja' saboi kinara' no timpokon Baloi ru Tuhan giu' ra Jirusalim.

NIGIMIA 13:22

Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat. Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.

NIGIMIA 13:31

Nangaru' aku no ra paat ra ulun ondo' magibit ra luton koson monolob ra taak simbalui, am paat ra ulun magibit ra taak nilo, iono ampos ru unor-unor am kikinawa' ondo' kasaa' maansak. Iou Aki Kapuuno', karaa' noyo ngaangai' baal ragitio, am barakato' noyo aku.

NIGIMIA 5:19

Makitaak aku Rirun, iou Aki Kapuuno', karaa' noyo ngaangai' ondo' binaal moonsoi kuno ra bansa' ragitio, am barakato' aku no.

JISAYA 38:3

“Karaa' noyo, iou Tuhan, aku ti mangandoi ayuk Rirun, gumagaya' am sumugut, am masalok aku mompogogot koson mambaal ra kasagaan Muno.” Raja' pana nantangi' am mangiluk guang.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

PINAINTALANG 3:5

“Osoi ayuk mangala ra kuasa' ru kalaatan pambayangon Ku ilo ra mapulak, am kalo luluon Ku inggalan nilono intor ra kitab ru Ulun Mokoowot ra Kaayagan Motopot. Giu' ra saang ri Ama' Kuno am ra malaikat-malaikat Nano, iowon Ku ilo ti maamaya' Kuno.