NIGIMIA 13:13 - Tanou Moonsoi Timugon

¹³ Ulun ragitilo pinangandoi ku koson magalung ra intok-intok pambulian ra ulaan no: i Silimia, sangulun imam; i Jadok, sangulun mapandai kaga' ra Ukum ri Musa; i Pidaya, sangulun Liwi. I Ganan anak ri Jakur, akupu ri Matanya no am mangindangan risilo. Mangintopot aku ra ilo no maintopot koson mantayar ra kuliamos-kuliamos raginio ra gino ngai' ru ulun mangandoi mabaya' ra guang mabanis.

NIGIMIA 13:13 ပူးပေါင်းရင်းမြစ်များ

2 RAJA'-RAJA' 12:15

Pagawai-pagawai ondo' mantamung ra kandoi no mabanis toojo guang. Ginio ra kalo kitaakon ilo mambaal ra laporan ru ruit.

2 RAJA'-RAJA' 12:16

Ruit ondo' apuon ra tayar ru taak simbalui no koson mambayar ra kalubatan am taak simbalui koson mangampun ra tula kalo pasubolon ra kaban no. Ruit raginio pataakon ra imam-imam.

2 RAJA'-RAJA' 22:7

Ulun-ulun mantamung ra kandoi no mabanis toojo guang. Ginio ra kalo pana manaak ilo ra pambalaan ru ruit.”

NIGIMIA 10:38

Sangulun imam papag ri Arun musiti' mabaya' ra ulun ru Liwi bulintok taak sampiopor no umungon. Ulun ru Liwi musiti' mambuli sampiopor intor ra ngaangai' taak sampiopor no giu' ra ralalom ru intok-intok pambulian ra ulaan giu' ra Baloi ru Tuhan.

NIGIMIA 11:22

Ulun magalung ra ulun ru Liwi ondo' minayan giu' ra Jirusalim iono i Uji anak ri Bani, akupu ri Gasabia. Kukula' ngaulun ra kinamatuaan nilo iono i Matanya am Mika intor ra bansa' ru Asap, iono bansa' ondo' kandoi no manalingapu ra miujik paat ra sambayang giu' ra Baloi ru Tuhan.

NIGIMIA 12:44

Paat raginio, kukula' ngaulun sinusub magalung ra intok-intok pambulian ra ulaan giu' ra Baloi ru Tuhan. Ulaan no nakaaya' taak sampiopor am unor-unor am niayuk kikinawa' ondo' kasaa' naansak ra moonong bilor. Ngaangai' ulun no linansanan manimung ra pataakon intor ra ulun-ulun magitanom giu' ra liliut ru bandar ra tayar ru imam-imam am ulun-ulun ru Liwi, koson ra nanusuban ru Taurat. Ngaangai' mamagun ru Jiuda mangurumat ra imam-imam am ulun-ulun ru Liwi,

NIGIMIA 3:30

I Gananya anak ri Silimia, am i Anun, anak ri Jalap ra koonom, nambaal ra tayar ru timbok ra tunggul no; tayar ru timbok ti iono tayar karuo ondo' binaal nilo. I Misulam anak ri Birikia nambaal ra tayar ru timbok ra tunggul no, ondo' giu' ra saang ru baloi nano.

NIGIMIA 7:2

Pinataak ku pamarintaan ru bandar Jirusalim ra pabukat kuno i Ganani am ri Gananya, panglima ru kubu pangampinan. I Gananya kolondo' pogondo' nano sabap ra io maintopot am malaa' ri Aki Kapuuno'.

NIGIMIA 8:4

Minigor i Ijra giu' ra rasawat ru pantas tataun ondo' binaal timpoko' koson kuayan raginio. I Matisa, Sima, Anaya, Uria, Ilkia am Maasiya minigor ra tampilon pamiris nano; liliwa' i Pidaya, Misail, Malkia, Gasum, Asbadana, Jakaria am Misulam minigor tampilon ra kait nano.

LUKAS 12:42

Taam ru Tuhan, “Osoi ulipon ra gumagaya' am matanda' toojo? Io no ondo' susubon ru tuan nano maningganai ra ulipon ra bokon, am mangani' risilo ra akanon paat ra inaru' noyo.

RINALATAN 4:35

Ruit no boo tatayaron ra moonong ulun ondo' makapakuan.

RINALATAN 6:1

Paat ragili niayuk siminuang ulun ondo' mangintopot ri Jisus i, am nansasangor boo ulun ru Jaudi ondo' mindagu ra ragu Junani am ondo' mindagu ra ragu Ibrani. Ilo ondo' mindagu ra ragu Junani ti nanguu' ra bokon ra napuor nilo ti linilianan ra kalo aniin ra ruit moonong orou.

RINALATAN 6:3

Ginio ra aruo' min tulu' ngaulun ondo' mangatanda', kinuasa' ru Ambiluo ri Aki Kapuuno' am mapintar, ginio ra makapalit ilo boo ramon mambaal ra kandoi ti.

1 KORINTUS 4:2

Rondo' ayuk maatang ra sangulun ulipon, ioginio gumagaya' io toojo ra tuan nano.

1 TIMOTIUS 1:12

Maringkuanang aku ri Jisus Kristus, Tuhan takau, sabap ra aku pinaikang am linansanan Nano sumauk ra mangangandoi Riso,

1 TIMOTIUS 3:10

Ilo ti kinamin galing am amon ru makasail ilo, bagu no pasaukon ilo ra mangingindangan ra pasimpungan ulun Kristian.