NIGIMIA 13:10 - Tanou Moonsoi Timugon

¹⁰ Napandayan ku niayuk ulun-ulun mangkuli ra miujik am ulun ru Liwi nangiruan noyo ra Jirusalim am riminuli' ra umo nilo, sabap ra mamagun kalo nangukop ra pakuan ru kaayagan nilo.

NIGIMIA 13:10 ပူးပေါင်းရင်းမြစ်များ

2 TUNUNG RU BANSA' ISRAIL 31:4

Suai raginio, raja' niayuk nanusub ra mamagun ru Jirusalim mangani' ra taak-taak ondo' inaru' ra tayar ru imam-imam am ulun-ulun ru Liwi, maa' raginio ngaangai' ru guang nilo mangkara' ayuk ra susuban ru Ukum ru Tuhan.

NIGIMIA 10:37

Ibiton mai tapung ondo' makata' ondo' binaal intor ra unor-unor ondo' kasaa' kinumos ra moonong bilor, am niayuk taak ra bokon ondo' ginio am wain, umau jaitun, am niayuk ngaangai' salinut ru kikinawa'. Ngaangai' no taakin mai ra imam-imam ondo' giu' ra Baloi ru Tuhan. Aniin mai sampiopor ra ramon no ra ulun ru Liwi ondo' mangumung ra taak sampiopor giu' ra intok-intok pagitanaman no, iono sampiopor intor ra ampos ru tatanom ondo' tumuu' giu' ra umo mai.

NIGIMIA 10:39

Ulun ru Israil am ulun ru Liwi musiti' magibit ra taak simbalui kaunaran, wain am umau jaitun ondo' inumung no ra intok-intok pambulian ra ulaan, iono giu' ra intok pambulian ra kuliamos Baloi ru Tuhan. Giu' no niayuk intok ayanan ru imam-imam ondo' tatanga' mangandoi, ulun-ulun magalung ra Baloi ru Tuhan, am ulun-ulun maririmbai giu' ra Baloi ru Tuhan. Marara' akai mangimpai ra Baloi ru Tuhan mai.

NIGIMIA 12:47

Bulintok ri Jirubabil am niayuk bulintok ri Nigimia, ngaangai' mamagun ru Israil nampataak ra taak moonong orou koson ra kaukapan ru pakuan moonong orou ru ulun-ulun maririmbai am ulun-ulun magalung ra Baloi ru Tuhan. Mamagun nampataak ra taak ondo' luntukon ra ulun ru Liwi, am ulun ru Liwi boo mangani' ra tayar ondo' paluntukon ra imam-imam.

JISAYA 43:23

Kalo magibit kau ra domba koson taak simbalui koson mapabansuk ra guang Kuno; kalo mangurumat kau Raki' ra taak simbalui ondo' pataakon min. Sotopot no kalo simbagatin Takamin ra kitaakin ra taak kapoam mantipagon ramuyun makitaak ra kaminyan.

MALIAKI 3:8

Raino kuatin Takamin, ‘Maruung kia ru ulun i Aki Kapuuno'?’ Maaru' kalo. Kaa' namparuung kau niayuk Raki'. Nangkuot kau, ‘Ati kulaan?’ Taam Aku, ‘Ralalom ru baal mangani' ra sampiopor am papataakan.’

UNTABAN 35:2

“Balai' ulun ru Israil ra intor ra tana' ondo' maapu, musiti' ilo manaak ra ulun ru Liwi ra kukula' bandar koson ra intok ayanan am padang sakot ra liliut ru bandar.

SAGULION 12:19

Pai' liliani' ulun ru Liwi, buoi akau mayan ra tana' min.