NIGIMIA 12:44 - Tanou Moonsoi Timugon

⁴⁴ Paat raginio, kukula' ngaulun sinusub magalung ra intok-intok pambulian ra ulaan giu' ra Baloi ru Tuhan. Ulaan no nakaaya' taak sampiopor am unor-unor am niayuk kikinawa' ondo' kasaa' naansak ra moonong bilor. Ngaangai' ulun no linansanan manimung ra pataakon intor ra ulun-ulun magitanom giu' ra liliut ru bandar ra tayar ru imam-imam am ulun-ulun ru Liwi, koson ra nanusuban ru Taurat. Ngaangai' mamagun ru Jiuda mangurumat ra imam-imam am ulun-ulun ru Liwi,

NIGIMIA 12:44 ပူးပေါင်းရင်းမြစ်များ

1 TUNUNG RU BANSA' ISRAIL 23:28

Musiti' ilo mangindangan ra imam-imam papag ri Arun ralalom kandoi upacara sambayang giu' ra Baloi ru Tuhan, magalung ra liliut am lamin giu' ra Baloi ru Tuhan, am niayuk magalung ra ngaangai' ondo' pinatimpok noyo ra Tuhan maa' raginio kalo masauk ra majamol.

1 TUNUNG RU BANSA' ISRAIL 26:20

Ulun ra bokon ralalom bansa' ru Liwi inanian ra kandoi manalingapu ra kuliamos ru Baloi ru Tuhan am gudang pambulian ra ondo' tinaakan-tinaakan ra tayar ri Aki Kapuuno'.

1 TUNUNG RU BANSA' ISRAIL 9:26

Kaapat-apat tingganai ru magalung no ulun ru Liwi, am ilo nangandoi ra nasisir. Ilo pinalansan manalingapu ra lamin-lamin giu' ra Baloi ru Tuhan am kuliamos ondo' binulian ra giu' no.

NIGIMIA 10:36

Ibiton mai anak ungkuyon mai ondo' katuaan ra imam giu' ra Baloi ru Tuhan. Giu' no anak raginio pataakon ri Aki Kapuuno' sumugut ra aturan ru Taurat. Pataakon mai niayuk anak kasaa' ru sapi', anak kasaa' ru kambing kapoam anak kasaa' ru domba.

AMSAL 8:34

Pakaansuk noyo ulun ondo' mangkirongog raki', ondo' moonong orou manturung maginaa ra kulobon ru baloi kuno, am ondo' maginaa ra garabang ru baloi kuno.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

UNTABAN 3:10

Saukon noyo i Arun am anak-anak nano mapaugar ra kandoi ru imam. Ulun ra bokon ondo' kuminam mapaugar ra kandoi ru imam musiti' ukumin ra matoi.”

ROMA 12:7

Osoi ondo' inanian ra kapandayan mangindangan, pangindangan no. Osoi ondo' inanian ra kapandayan mangila', pangila' no.

SAGULION 18:8

Io musiti' aniin ra akanon koson ra suang ru maapu ru imam-imam ra bokon, am io iowon mambuli ra atan ayuk ondo' atarin ru sasambaloi nano.”