NIGIMIA 12:43 - Tanou Moonsoi Timugon

⁴³ Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

NIGIMIA 12:43 ပူးပေါင်းရင်းမြစ်များ

2 TUNUNG RU BANSA' ISRAIL 20:13

Ngaangai' bala ru ungkuyon ru Jiuda, mababaya' ra anak andu' nilo, migor giu' ra Baloi ru Tuhan.

2 TUNUNG RU BANSA' ISRAIL 20:27

Koon raginio noyo Raja' Josapat naningganai ra saujor nano siminaguli' ra Jirusalim nabaya' ra kamanangan, sabap ra Tuhan nangala ra pantula' nilo.

2 TUNUNG RU BANSA' ISRAIL 7:10

Suabon no boo, orou ra karuo ngoopor am talu sila' katulu', nanusub Raja' Salomo ra ngaangai' ulun no muli'. Ilo ngaangai' naansukan sabap ra barakat-barakat ondo' tinaakan ru Tuhan ra ulun Nano Israil, ri Raja' Daut, am Raja' Salomo.

IJRA 3:13

Sabap raginio bolos magilakup ra maansukan kalo maalap katalinaasi' intor ra bolos ru tangi'; ginia' no morongog saboi ra maalur.

NIGIMIA 12:27

Kopongo rinasmi timbok ru bandar Jirusalim, ulun ru Liwi piniau minongoi ra giu' intor ra ngaangai' intok inayanan nilo, maa' raginio sumimpung ilo ra parasmian no am marimbai ra rimbai paringkuanangan, sumbayaan ru miujik gambus am jitor.

NIGIMIA 12:42

Siminunu' risilo i Maasiya, Simaya, Iliajar, Uji, Joganan, Malkia, Ilam am i Ijir. Ulun-ulun maririmbai ondo' tiningganai ri Jijragia narimbai ra bolos matangil.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

MAZMUR 27:6

Ra ginio kalaan ku ngaangai' pantula' ondo' liminibung raki' no. Ralalom ru guang maansukan magilakup aku am mapataak aku ra taak simbalui ralalom ru Baloi Nano; marimbai aku am mongompor aku ra Tuhan.

MAZMUR 28:7

Tuhan no manindung am manungka' raki'; mangintopot aku Riso. Mangindangan Io raki' am mapabansuk ra guang kuno; omporon ku Io ra rimbai paringkuanangan.

MAZMUR 9:2

Ralalom ngaangai' suang ru guang kuno, ra aku mongompor Rirun Tuhan, am tunungon ku nansalinut kaimuagan ondo' binaal Muno.

MAZMUR 92:4

ondo' sumbayaan ru pangkulian miujik ra manangkalat, am sumbayaan ru jitor.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JIRIMIA 31:13

Paat raginio ralaa-ralaa mansayau ra maansukan. Ungkuyon-ungkuyon, matutuo am mamulok maansukan. Bansukon Ku ilo am mangulau ra kangilukan nilo masauk ra kaansukan. Kalumpusan masauk ra kaansayan.

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

UNTABAN 10:10

Koson raginio niayuk paat ra akau munsag; paat pangiantakan Sila' Bagu am pangiantakan ra bokon, samputi' noyo bujung-bujung raginio paat ra akau mapataak ra taak simbalui koson mapabansuk ra guang Kuno am taak simbalui koson makibarakat Raki', am mangindangan Aku ramuyun. Aku noyo Tuhan, i Aki Kapuuno' min.”

MATIUS 21:15

Tingganai imam Jaudi am mangingila' ra Ukum ri Musa siminangit paat ra ilo nakakito ra kaimuagan-kaimuagan ondo' binaal ri Jisus. Ilo niayuk siminangit nokorongog ra lalaing-lalaing nompogolok ra Baloi Tuhan, “Koompor noyo Anak ru raja' Daut!”

MATIUS 21:9

Ulun masuang ondo' minugar siminigulu am timinauli ri Jisus i, tumalimpuun ilo mompogolok, “Omporo' Anak ru raja' Daut! Kabarakat noyo Io ondo' minatong ralalom inggalan ru Tuhan. Omporo' noyo i Aki Kapuuno' Ondo' Masawat Kaga'!”

JUANIS 16:22

Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

IPISUS 5:19

Moonsoi mindagu kau ra sangulun am bokon ra ragu Mazmur, rimbai mongompor ri Aki Kapuuno' am poyo rimbai Kristian. Rimbayo' noyo gitio ra Tuhan mabaya' ra guang makaansuk.

JAKUBUS 5:13

Amon ru mokoondo' intor ramuyun makakapaganan, moonsoi ru makiasi' io. Am osoi ayuk maansukan, moonsoi marimbai io mongompor ri Aki Kapuuno'.

1 SAMUIL 4:5

Paat ra Kaban Nabantuan no nakasaboi ra pangkiman, noloos saujor ru Israil ra mapuor kaga' sabap ra naansukan, saboi tana' ti mapuyu'.