NIGIMIA 12:36 - Tanou Moonsoi Timugon

³⁶ Siminunu' riso ulun ra bokon intor ra bansa' nano, iono i Simaya, Ajariil, Milalai, Gilalai, Maai, Nitaniil, Jiuda am i Ganani. Ilo ngaangai' nagibit ra kuliamos miujik, nogondo' ra ondo' kinuli ru Raja' Daut, ulipon ri Aki Kapuuno' no. Imam Ijra, ulun mapandai kaga' ra Taurat no, minugar pagulu ra ugar mababaya' ti.

NIGIMIA 12:36 ပူးပေါင်းရင်းမြစ်များ

1 TUNUNG RU BANSA' ISRAIL 23:5

4,000 ngaulun koson ra ulun magalung, am 4,000 ngaulun koson mongompor ra Tuhan am kuliamos ru miujik ondo' tinampos ru raja'.

2 TUNUNG RU BANSA' ISRAIL 8:14

Sumugut ra kaulayan ondo' inaru' ru Raja' Daut, ama' nali, Raja' Salomo nangaru' ra kandoi moonong orou tayar ru imam-imam am ulun-ulun ru Liwi ondo' mangindangan ra imam marimbai ra rimbai-rimbai mazmur, am niayuk mangindangan ralalom kandoi ru imam. Raja' Salomo niayuk nampatampos ra pulalai ru ulun magalung ra Baloi ru Tuhan ra kandoi moonong orou nilo giu' ra moonong kulobon garabang, sumugut ra susuban ru Raja' Daut, ulipon ri Aki Kapuuno' no.

IJRA 7:1

Bibilor boo buoi raiti, paat ra Raja' Artasasta nasauk ra raja' ru Pirsia, mokoondo' sangulun ungkuyon inggalan no i Ijra. Io sangulun intor ra papag ri Arun, Tingganai Maayo Imam no, am inggalan ru papag nano koson ragitilo: Ijra anak ri Siraya, anak ri Ajaria, anak ri Ilkia,

IJRA 8:1

Gitio no suang ru tingganai ru bansa' ondo' pinatiran ra pagun Babilonia, am ondo' siminaguli' nababaya' raki', i Ijra, giu' ra Jirusalim paat ra pamarintaan ru Raja' Artasasta:

NIGIMIA 12:24

Ralalom paningganayan ri Gasabia, Siribia, Jisua, Binui am i Kadmiil, ulun ru Liwi tinayar nasauk ra kukula' ngampulalai. Moonong igondo', mokoondo' ruo ngampulalai ondo' mangandoi mongompor ri Aki Kapuuno' am maringkuanang Riso ra balos mambalos, sumugut ra aturan ondo' tinaakan ru Raja' Daut, ulipon ri Aki Kapuuno'.

AMOS 6:5

Masaga' kau mambaal ra rimbai koson ondo' binaal ri Daut, am kulion min rimbai no ra jitor.