NIGIMIA 12:27 - Tanou Moonsoi Timugon

²⁷ Kopongo rinasmi timbok ru bandar Jirusalim, ulun ru Liwi piniau minongoi ra giu' intor ra ngaangai' intok inayanan nilo, maa' raginio sumimpung ilo ra parasmian no am marimbai ra rimbai paringkuanangan, sumbayaan ru miujik gambus am jitor.

NIGIMIA 12:27 ပူးပေါင်းရင်းမြစ်များ

2 SAMUIL 6:12

Norongog ru Raja' Daut ra nambarakat Tuhan ra sasambaloi ri Obid-Idom am ngaangai' ondo' soroi riso no, sabap ra Kaban Nabantuan no. Ginio ra ongoi Raja' Daut ra baloi ri Obid-Idom am alapo' Kaban Nabantuan no. Pinabanding no Kaban Nabantuan ra Jirusalim nabaya' ra pangiantakan maayo.

1 RAJA'-RAJA' 8:63

Raja' Salomo nampataak ra 22,000 ngainan sapi' am 120,000 ngainan domba koson ra taak simbalui koson makibarakat ra Tuhan. Koon raginio noyo Raja' Salomo am ngaangai' ru mamagun napaugar ra patimpokon Baloi ru Tuhan.

1 TUNUNG RU BANSA' ISRAIL 13:8

liliwa' Raja' Daut am ngaangai' ulun ru Israil nansasayau ra naansukan koson mangurumat ri Aki Kapuuno'. Naririmbai ilo liliwa' nangkuli ra kuliamos ru miujik – jitor, gambus, tamburing, simbal am bujung.

1 TUNUNG RU BANSA' ISRAIL 15:12

Indagu Raja' Daut risilo, “Akau tingganai ru bansa'-bansa' ralalom bansa' ru Liwi. Ginio ra, akau am ulun ru Liwi ra bokon musiti' mamasau ra inan maa' raginio maalap min pakabanding Kaban Nabantuan ru Tuhan, i Aki Kapuuno' ru Israil, ra intok ondo' tinampos ku noyo.

1 TUNUNG RU BANSA' ISRAIL 15:16

Nanusub niayuk Raja' Daut ra tingganai-tingganai ru ulun ru Liwi maa' raginio manusub ra kukula' ngaulun intor ra bansa' nilo koson marimbai am mangkuli ra rimbai-rimbai kaansukan ra jitor am simbal.

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

1 TUNUNG RU BANSA' ISRAIL 15:4

Kopongo raginio nanusub Raja' Daut ra papag ri Arun am ulun ru Liwi tumimung.

1 TUNUNG RU BANSA' ISRAIL 16:42

I Giman am i Jidutun niayuk manalingapu ra bujung, simbal am niayuk kuliamos miujik ra bokon ondo' pinakai koson kulion paiison ra rimbai-rimbai pangamparan. Ulun-ulun ru bansa' ri Jidutun pinangandoi koson magalung ra kulobon-kulobon garabang.

1 TUNUNG RU BANSA' ISRAIL 16:5

I Asap linantik koson ra tingganai am i Jakaria mangindangan nano. I Jiyil, i Simiramot, i Jiwil, i Matisa, i Iliab, i Binaya, i Obid-Idom am i Jiyil sinusub koson mangkuli ra jitor. I Asap sinusub koson mangkuli ra simbal,

1 TUNUNG RU BANSA' ISRAIL 23:5

4,000 ngaulun koson ra ulun magalung, am 4,000 ngaulun koson mongompor ra Tuhan am kuliamos ru miujik ondo' tinampos ru raja'.

1 TUNUNG RU BANSA' ISRAIL 26:31

Tingganai ru papag ri Gibron iono i Jiria. Paat ra bilor kaapat ngoopor ra pamarintaan ru Raja' Daut, rondo' nanutunan intor ra papag ri Gibron pinaugar. Ralalom ru nanutunan no napandayan toojo ra gino ngai' nilo mokoondo' ra saujor-saujor mangapanggol ondo' minayan giu' ra Jajir giu' ra wilayah Giliad.

2 TUNUNG RU BANSA' ISRAIL 29:25

Minaya' Raja' Gijkia ra susuban ondo' tinaakan ru Tuhan ra Raja' Daut ondo' pinabala' galing ri Gad, nabi ondo' nangandoi ra Raja' Daut, am ondo' pinabala' galing ri Nabi Natan. Pinosoroi ru Raja' Gijkia ulun ru Liwi giu' ra ralalom Baloi ru Tuhan koson mangkuli ra jitor am simbal,

2 TUNUNG RU BANSA' ISRAIL 29:30

Raja' am tingganai-tingganai ru bansa' nanusub ra ulun-ulun ru Liwi marimbai ra rimbai pangamparan ra Tuhan, rimbai ondo' sinulabit ru Raja' Daut am Nabi Asap. Ngaangai' boo ru ulun narimbai ra naansukan liliwa' migulatur am samba ri Aki Kapuuno'.

2 TUNUNG RU BANSA' ISRAIL 7:6

Imam-imam minigor giu' ra intok ondo' inaru' noyo risilo, am ulun ru Liwi minigor tumingkuang risilo. Ulun ru Liwi mongompor ra Tuhan mabaya' ra kuliamos miujik ondo' tinampos noyo ru Raja' Daut, liliwa' marimbai ra rimbai “Togom Nano Mantilayun!” sumugut ra nanusuban ru Raja' Daut. Imam-imam nanamput ra bujung liliwa' ngaangai' ru mamagun minigor.

IJRA 6:16

Kopongo raginio ulun ru Israil, imam-imam, ulun ru Liwi am ngaangai' ulun ondo' minuli' noyo intor ra pamatiran, nampaugar ilo patimpokon Baloi ru Tuhan no mabaya' ra kaansukan.

NIGIMIA 11:20

Mamagun ru Israil, imam-imam am ulun-ulun ru Liwi ondo' soroi no minayan giu' ra tana' nilo galama' giu' ra bandar-bandar am ngaangai' pekan giu' ra Jiuda.

NIGIMIA 12:43

Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

NIGIMIA 8:17

Ngaangai' ulun ondo' siminaguli' intor ra pamatiran nambaal ra kalukub am minayan ra giu' no. Gitio noyo kainsaa' baal raginio binaal intor ra bulintok ri Josua anak ri Nun. Ilo ngaangai' naansayan am naansukan.

MAZMUR 149:3

Omporo' noyo inggalan Nano ralalom ru ligo'; omporo' noyo inggalan Nano ondo' kayusin ra jitor am asasin ra tamburing.

MAZMUR 30:1

Mazmur ri Daut. Rimbayon bulintok mokoondo' Baloi ru Tuhan patimpokon.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

SAGULION 20:5

Kopongo raginio pagawai-pagawai ru saujor mindagu ra pulalai no, ‘Mokoondo' osoi kia ragiti ondo' bagu nambaal ra baloi am kalo poyo napaugar ra upacara pampalasuan ra rapuan? Amon mokoondo', polosoon io muli'. Amon kalo maaru' lair matoi io ra pangayawan am ulun ra bokon mayan ra baloi nano.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.