NIGIMIA 12:25 - Tanou Moonsoi Timugon

²⁵ Ulun-ulun magalung ra Baloi ru Tuhan ondo' pinangandoi koson magalung ra intok-intok pambulian ra ulaan mamaar ra kulobon garabang Baloi ru Tuhan iono i Matanya, Bakbukia, Obaja, Misulam, Talmon am Akub.

NIGIMIA 12:25 ပူးပေါင်းရင်းမြစ်များ

2 RAJA'-RAJA' 7:10

Ginio ra iruani' nilo pangkiman ru ulun ru Siria am saguli' ra Samaria. Golok ilo ra ulun magalung ra kulobon ru bandar, “Minongoi akai ra pangkiman ru ulun ru Siria, kaa' kolondo' nakito kapoam norongog mai ra osoi pana. Kuda am kaladai nilo lakat poyo narukugan ra intok no, am pangkiman no iniruanan koon raginio ayuk.”

1 TUNUNG RU BANSA' ISRAIL 23:32

Pinangandoi ilo niayuk koson magalung ra Kim ru Tuhan am Baloi ru Tuhan, am niayuk mangindangan ra pabukat-pabukat nilo, iono imam-imam papag ri Arun, ralalom ru panalingapuan ra sambayang giu' ra intok no.

1 TUNUNG RU BANSA' ISRAIL 26:12

Ulun magalung ra Baloi ru Tuhan tinayar ra pulalai-pulalai maya' ra bansa' nilo. Inanian ilo ra kandoi giu' ra ralalom Baloi ru Tuhan koson ra ulun ru Liwi ra bokon.

1 TUNUNG RU BANSA' ISRAIL 26:15

Obid-Idom nangandoi giu' ra kulobon garabang tampilon ra rabugus, am anak-anak nano nangandoi magalung ra gudang-gudang.

1 TUNUNG RU BANSA' ISRAIL 26:17

Giu' ra tampilon sirangon, moonong orou mokoondo' onom ngaulun magalung ra mangandoi. Giu' ra tampilon ralayo mokoondo' apat ngaulun, am giu' ra tampilon rabugus mokoondo' apat ngaulun. Moonong orou gudang-gudang inalungan ru apat ngaulun magalung; ruo ngaulun magalung ra rondo' gudang.

2 TUNUNG RU BANSA' ISRAIL 8:14

Sumugut ra kaulayan ondo' inaru' ru Raja' Daut, ama' nali, Raja' Salomo nangaru' ra kandoi moonong orou tayar ru imam-imam am ulun-ulun ru Liwi ondo' mangindangan ra imam marimbai ra rimbai-rimbai mazmur, am niayuk mangindangan ralalom kandoi ru imam. Raja' Salomo niayuk nampatampos ra pulalai ru ulun magalung ra Baloi ru Tuhan ra kandoi moonong orou nilo giu' ra moonong kulobon garabang, sumugut ra susuban ru Raja' Daut, ulipon ri Aki Kapuuno' no.

JISAYA 21:8

Mantatamung raginio nampiau, “Tuan, nangandoi aku ra intok pantamungan ti orou am rondom.”