NIGIMIA 12:24 - Tanou Moonsoi Timugon

²⁴ Ralalom paningganayan ri Gasabia, Siribia, Jisua, Binui am i Kadmiil, ulun ru Liwi tinayar nasauk ra kukula' ngampulalai. Moonong igondo', mokoondo' ruo ngampulalai ondo' mangandoi mongompor ri Aki Kapuuno' am maringkuanang Riso ra balos mambalos, sumugut ra aturan ondo' tinaakan ru Raja' Daut, ulipon ri Aki Kapuuno'.

NIGIMIA 12:24 ပူးပေါင်းရင်းမြစ်များ

1 RAJA'-RAJA' 17:24

Kon ru ruandu' napuor no, “Raino bagu aku makapandai ra okou ti sangulun ulipon ri Aki Kapuuno' am ra Tuhan topot-topot minindagu pinabala' galing rirun.”

1 TUNUNG RU BANSA' ISRAIL 16:4

Raja' Daut nampalantik ra kukula' ngaulun Liwi koson maningganai ra upacara sambayang ra Tuhan, i Aki Kapuuno' ru Israil, giu' ra saang ru Kaban Nabantuan. Narimbai ilo ra rimbai paringkuanangan am pangamparan ra Tuhan.

2 TUNUNG RU BANSA' ISRAIL 8:14

Sumugut ra kaulayan ondo' inaru' ru Raja' Daut, ama' nali, Raja' Salomo nangaru' ra kandoi moonong orou tayar ru imam-imam am ulun-ulun ru Liwi ondo' mangindangan ra imam marimbai ra rimbai-rimbai mazmur, am niayuk mangindangan ralalom kandoi ru imam. Raja' Salomo niayuk nampatampos ra pulalai ru ulun magalung ra Baloi ru Tuhan ra kandoi moonong orou nilo giu' ra moonong kulobon garabang, sumugut ra susuban ru Raja' Daut, ulipon ri Aki Kapuuno' no.

IJRA 2:40

Bansa' ru ulun ru Liwi ondo' siminaguli' intor ra pamatiran: Jisua am Kadmiil (papag ri Godawya) 74 Ulun-ulun maririmbai giu' ra Baloi ru(papag ri Asap) 128 Ulun magalung ra kulobon garabang Baloi ru(papag ri Salum, Atir, Talmon, Akub, Gatita am Sobai) 139

NIGIMIA 11:17

I Matanya anak ri Mika, akupu ri Jabdi, papag ri Asap. Io no tingganai ru ulun-ulun maririmbai giu' ra Baloi ru Tuhan paat marimbai ra pakiasian paringkuanangan. I Bakbukia, iono mangindangan ri Matanya. I Abda anak ri Samua, akupu ri Galal am papag ri Jidutun.

NIGIMIA 12:23

Kaa' suang ru inggalan ru tingganai-tingganai ru bansa' ulun ru Liwi polos ayuk ra bulintok ri Jonatan akupu ri Ilyasib.

NIGIMIA 12:36

Siminunu' riso ulun ra bokon intor ra bansa' nano, iono i Simaya, Ajariil, Milalai, Gilalai, Maai, Nitaniil, Jiuda am i Ganani. Ilo ngaangai' nagibit ra kuliamos miujik, nogondo' ra ondo' kinuli ru Raja' Daut, ulipon ri Aki Kapuuno' no. Imam Ijra, ulun mapandai kaga' ra Taurat no, minugar pagulu ra ugar mababaya' ti.

NIGIMIA 8:7

Kopongo raginio bigor ilo ra intok ru sigagama', am ulun ru Liwi ragitio nambala' risilo ra sinail toojo Taurat no: I Jisua, Bani, Siribia, Jamin, Akub, Sabitai, Godia, Maasiya, Kilita, Ajaria, Jojabad, Ganan am Pilaya.

NIGIMIA 9:4

Giu' no mokoondo' pantas ondo' tinampos koson ra ulun ru Liwi. I Jisua, Bani, Kadmiil, Sibania, Buni, Siribia, Bani am Kinani minigor giu' ra rasawat ru pantas no. Nakiasi' ilo ra Tuhan, i Aki Kapuuno' nilo ra bolos matangil.

SAGULION 33:1

Ra kalo poyo minatoi, i Musa, ulipon ri Aki Kapuuno' no, nambarakat ra ulun ru Israil ra ragu-ragu ragitio:

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

2 TIMOTIUS 3:17

Maa' raginio osoi ayuk mangangandoi ri Aki Kapuuno' makatampos toojo mampaugar ra atan ayuk kandoi moonsoi.

JOSUA 14:6

Paat ra sangarawan, kukula' ngaulun intor ra bansa' ru Jiuda minuma' ri Josua giu' ra Gilgal. I Kalib anak ri Jipuni, ulun ru Kinas no, minindagu riso, “Nakapandai kou ra rinagu ru Tuhan ri Musa, ulipon ri Aki Kapuuno', ra ito ruo paat itakau giu' ra Kadis-Barnia.