NIGIMIA 11:3 - Tanou Moonsoi Timugon

³ Giu' ra ngaangai' pekan am bandar-bandar ra bokon, mamagun ru Israil, imam-imam, ulun-ulun ru Liwi, ulun-ulun mangandoi ra Baloi ru Tuhan, am papag ru ulipon-ulipon ri Salomo mayan giu' ra bandar am giu' ra tana' ru sigagama'. Gitio noyo suang ru inggalan ru ulun maatang intor ra wilayah Jiuda ondo' mayan giu' ra Jirusalim:

NIGIMIA 11:3 ပူးပေါင်းရင်းမြစ်များ

IJRA 2:1

Masuang ra gino ngai' ru ulun pinatiran nangiruan ra Babilonia am siminaguli' ra Jiuda am Jirusalim, sigagama' minongoi ra bandar nano galama'. Minayan ilo giu' ra pamatiran ra Babilonia intor ra Raja' Nibukadnijar nagibit risilo ra giu' koson ra ulun rinakop.

IJRA 2:43

Gitilo noyo suang ru bansa' ra mangngandoi ra Baloi ru Tuhan ondo' siminaguli' intor ra pamatiran: Jiga, Gasupa, Tabaot, Kiros, Siaga, Padon, Libana, Gagaba, Akub, Gagab, Samlai, Ganan, Gidil, Agar, Riaya, Rijin, Nikoda, Gajam, Uja, Pasia, Bisai, Asna, Miunim, Nipusim, Bakbuk, Gakupa, Gargur, Bajlut, Migida, Garsa, Barkos, Sisira, Tima, Nijia am Gatipa.

IJRA 2:70

Imam-imam, ulun-ulun ru Liwi am masuang ulun intor ra mamagun minayan giu' ra Jirusalim am libung nano. Ulun-ulun maririmbai, ulun-ulun magalung ra kulobon garabang Baloi ru Tuhan am ulun-ulun mangandoi giu' ra Baloi ru Tuhan am niayuk ulun ru Israil ra bokon namagun giu' ra bandar-bandar intok inayanan ru kinamatuaan nilo ragili.

NIGIMIA 11:20

Mamagun ru Israil, imam-imam am ulun-ulun ru Liwi ondo' soroi no minayan giu' ra tana' nilo galama' giu' ra bandar-bandar am ngaangai' pekan giu' ra Jiuda.

NIGIMIA 11:4

Intor ra bansa' ru Jiuda: I Ataya anak ri Ujia, iono akupu ri Jakaria. Kukula' ngaulun ra kinamatuaan nano am i Amarya, i Sipatia am i Magalaliil, iono papag ri Piris anak ungkuyon ri Jiuda.

NIGIMIA 7:39

Gitio noyo suang ru bansa' ru imam-imam ondo' siminaguli' intor ra pamatiran: Jidaya (papag ri Jisua) 973 Imir 1,052 Pasyur 1,247 Garim 1,017

NIGIMIA 7:43

Gitio noyo papag ru bansa' ru Liwi ondo' siminaguli' intor ra pamatiran: Jisua am Kadmiil (papag ri Godiwa) 74 Ulun mangkuli ra miujik giu' ra Baloi ru(papag ri Asap) 148 Ulun magalung ra kulobon garabang giu' ra Baloi ru(papag ri Salum, Atir, Talmon, Akub, Gatita am Sobai) 138

NIGIMIA 7:46

Gitio noyo suang ru bansa' mangngandoi giu' ra Baloi ru Tuhan ondo' siminaguli' intor ra pamatiran: Jiga, Gasupa, Tabaot, Kiros, Sia, Padon, Libana, Gagaba, Salmai, Ganan, Gidil, Agar, Riaya, Rijin, Nikoda, Gajam, Uja, Pasia, Bisai, Miunim, Nipusim, Bakbuk, Gakupa, Gargur, Bajlit, Migida, Garsa, Barkos, Sisira, Tima, Nijia am Gatipa.

NIGIMIA 7:6

Masuang ra gino ngai' ru ulun pinatiran nangiruan ra wilayah Babil am minuli' ra Jirusalim am Jiuda, sigagama' giu' ra bandar nano galama'. Sasambaloi nilo lair noyo naayag ralalom pamatiran giu' ra Babilonia, intor ra Raja' Nibukadnijar nagibit risilo ra giu' koson ra ulun rinakop.

NIGIMIA 7:7

Tingganai-tingganai nilo iono i Jirubabil, Jisua, Nigimia, Ajaria, Raamya, Nagamani, Mordikai, Bilsan, Mispirit, Bigwai, Nigum am Baana.

NIGIMIA 7:73

Imam-imam, ulun-ulun ru Liwi, ulun magalung ra kulobon garabang ru Baloi ru Tuhan, ulun-ulun maririmbai am masuang intor ra mamagun toojo, ulun-ulun mangngandoi ra Baloi ru Tuhan, ontoson ragu ngaangai' ulun ru Israil, namagun giu' ra ngaangai' pekan am giu' ra bandar-bandar ru Jiuda.