NIGIMIA 11:22 - Tanou Moonsoi Timugon

²² Ulun magalung ra ulun ru Liwi ondo' minayan giu' ra Jirusalim iono i Uji anak ri Bani, akupu ri Gasabia. Kukula' ngaulun ra kinamatuaan nilo iono i Matanya am Mika intor ra bansa' ru Asap, iono bansa' ondo' kandoi no manalingapu ra miujik paat ra sambayang giu' ra Baloi ru Tuhan.

NIGIMIA 11:22 ပူးပေါင်းရင်းမြစ်များ

2 SAMUIL 9:12

I Mipibosit mokoondo' sangulun anak ungkuyon inggalan no i Mika, ondo' lakat poyo mamulok. Ngaangai' ru sasambaloi ri Jiba nasauk ra ulipon ri Mipibosit.

IJRA 8:19

Ilo niayuk nanusub ri Gasabia am i Jisaya intor ra bansa' ru Mirari, nababaya' ra 20 ngaulun pabukat nilo.

NIGIMIA 11:11

I Siraya anak ri Ilkia, akupu ri Misulam. Kukula' ngaulun ra kinamatuaan nano am i Jadok, Mirayot am Agitub ondo' nasauk ra Tingganai Maayo Imam.

NIGIMIA 11:14

Intor ra bansa' ragitio mokoondo' 128 ngaulun saujor ondo' mapanggol kaga'. Tingganai nilo am i Jabdiil anak ri Gidolim.

NIGIMIA 11:9

Tiningganai ilo ri Joil anak ri Jikri am ulun lansanin nano, i Jiuda anak ri Gasinua.

NIGIMIA 12:42

Siminunu' risilo i Maasiya, Simaya, Iliajar, Uji, Joganan, Malkia, Ilam am i Ijir. Ulun-ulun maririmbai ondo' tiningganai ri Jijragia narimbai ra bolos matangil.

NIGIMIA 12:46

Intor ra bulintok ru Raja' Daut am i Asap mangkukuli ra miujik ra galing i poyo, ulun-ulun maririmbai no narimbai ra rimbai mongompor am rimbai paringkuanangan ri Aki Kapuuno'.

NIGIMIA 13:13

Ulun ragitilo pinangandoi ku koson magalung ra intok-intok pambulian ra ulaan no: i Silimia, sangulun imam; i Jadok, sangulun mapandai kaga' ra Ukum ri Musa; i Pidaya, sangulun Liwi. I Ganan anak ri Jakur, akupu ri Matanya no am mangindangan risilo. Mangintopot aku ra ilo no maintopot koson mantayar ra kuliamos-kuliamos raginio ra gino ngai' ru ulun mangandoi mabaya' ra guang mabanis.

NIGIMIA 3:17

Kukula' tayar ru timbok ragitio pinuna' ru ulun ru Liwi ralalom pansunuan ragitio: I Rigum anak ri Bani nambaal ra timbok ondo' tunggul no; I Gasabia, mangunguasa' ru sampiruo ra libung Kigila, nambaal ra tayar ru timbok ra tunggul no, ra bala ru libung nano;

NIGIMIA 8:7

Kopongo raginio bigor ilo ra intok ru sigagama', am ulun ru Liwi ragitio nambala' risilo ra sinail toojo Taurat no: I Jisua, Bani, Siribia, Jamin, Akub, Sabitai, Godia, Maasiya, Kilita, Ajaria, Jojabad, Ganan am Pilaya.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.