NIGIMIA 11:1 - Tanou Moonsoi Timugon

¹ Tingganai-tingganai ondo' namagun giu' ra Jirusalim, am mamagun ondo' musiti' mangundi' koson mampili' ra sambaloi intor ra moonong mopor sasambaloi. Ilo ondo' mapili' musiti' mayan giu' ra Jirusalim bandar ondo' mapasau no, liliwa' ondo' kalo mapili' mayan giu' ra bandar-bandar am ngaangai' pekan ra bokon.

NIGIMIA 11:1 ပူးပေါင်းရင်းမြစ်များ

1 TUNUNG RU BANSA' ISRAIL 26:13

Moonong bansa', ondo' bansa' ra maayo kapoam bansa' ra boborok, nagugundi' koson mangaru' ra kulobon garabang ondo' musiti' nilo alungin.

1 TUNUNG RU BANSA' ISRAIL 8:28

Gini noyo tingganai ru sasambaloi am tingganai ondo' tinulisan ralalom ru suang ru papag nilo. Minayan ilo giu' ra Jirusalim.

1 TUNUNG RU BANSA' ISRAIL 9:1

Ngaangai' ulun ru Israil tinulisan inggalan sumugut ra sasambaloi ru sigagama'. Suang ru ginio tinulisan ralalom Kitab ru Raja'-Raja' ru Israil. Mamagun ru Jiuda pinatiran ra Babil koson ra ukuman ru tula nilo.

1 TUNUNG RU BANSA' ISRAIL 9:2

Intor risilo ondo' siminaguli' galing ra tana' longgom nilo giu' ra bandar-bandar iono ulun nasuangan, imam-imam, ulun ru Liwi am ulun-ulun mangngandoi ra Baloi ru Tuhan.

1 TUNUNG RU BANSA' ISRAIL 9:3

Santayaran intor ra bansa' ru Jiuda, Binjamin, Ipraim am Manasi siminaguli' am minayan giu' ra Jirusalim.

NIGIMIA 10:34

Moonong bilor akai mamagun ru Israil, imam-imam am ulun-ulun ru Liwi magugundi' koson mangaru' ra bansa' ra ati ondo' musiti' mangalap ra luton koson monolob ra taak simbalui ondo' pataakon ra Tuhan, i Aki Kapuuno' mai, sumugut ra aturan ru Taurat.

NIGIMIA 11:18

Ngaangai' ru suang nilo 248 ngaulun ru Liwi ondo' mayan giu' ra Jirusalim, bandar mapasau no.

NIGIMIA 4:22

Buoi ru ginio manusub aku ra ngaangai' ulun magalung am ngaangai' ru ulun mangindangan risilo soroi ra Jirusalim ra rondom ti, maa' raginio maalungan mai bandar ra rondom ti am mangandoi ra orou ti.

MAZMUR 122:5

Ra giti noyo ngaangai' raja' ru Israil namarinta ra ulun ra matimpok.

MAZMUR 122:6

Pakiasi' noyo koson ra kaansayan ru Jirusalim, “Gama' ulun ondo' motogom rirun no lumangkaya'.

AMSAL 16:33

Ulun magugundi' koson mangulig ra kasagaan ri Aki Kapuuno', kaa' i Aki Kapuuno' galama' mangaru' ra taam nano.

JISAYA 48:2

Kaa' mangiou am maansukan kau ra akau namagun ra bandar ondo' mapasau, am akau sumingkayut ayuk ri Aki Kapuuno' ru Israil, ondo' sabiton ra Tuhan Ondo' Maayo Kaga' Kuasa'.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

MATIUS 27:53

Ingkual ilo intor ra lobong-lobong am kalupus i Jisus binayag saguli', ongoi ilo ra Jirusalim am giu' no masuang ulun nakakito risilo.

MATIUS 4:5

Tingganai ru riwato no pana nagibit boo ri Jisus giu' ra bandar Jirusalim, suku' ra tampak ru Baloi Tuhan,

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 1:26

Kopongo ragili pagugundi' ilo am kapili' i Matias masauk ra rasul, koson maya' ra mopor am rondo' rasul ra bokon i.

JOSUA 18:10

Inundi' ri Josua koson makapandai ra kasagaan ru Tuhan risilo, am napataak ra tayar ru tana' ra moonong bansa' ru Israil ondo' kalo poyo nakaalap ra tana'.