NIGIMIA 10:38 - Tanou Moonsoi Timugon

³⁸ Sangulun imam papag ri Arun musiti' mabaya' ra ulun ru Liwi bulintok taak sampiopor no umungon. Ulun ru Liwi musiti' mambuli sampiopor intor ra ngaangai' taak sampiopor no giu' ra ralalom ru intok-intok pambulian ra ulaan giu' ra Baloi ru Tuhan.

NIGIMIA 10:38 ပူးပေါင်းရင်းမြစ်များ

1 TUNUNG RU BANSA' ISRAIL 9:26

Kaapat-apat tingganai ru magalung no ulun ru Liwi, am ilo nangandoi ra nasisir. Ilo pinalansan manalingapu ra lamin-lamin giu' ra Baloi ru Tuhan am kuliamos ondo' binulian ra giu' no.

NIGIMIA 13:31

Nangaru' aku no ra paat ra ulun ondo' magibit ra luton koson monolob ra taak simbalui, am paat ra ulun magibit ra taak nilo, iono ampos ru unor-unor am kikinawa' ondo' kasaa' maansak. Iou Aki Kapuuno', karaa' noyo ngaangai' baal ragitio, am barakato' noyo aku.

IMAMAT 27:30

Mopor piatus intor ra ngaangai' ampos ru tinanom mino, ondo' kia gandum am niayuk kikinawa' masauk ra Tuhan tatangan.

UNTABAN 15:19

Paat ra akau mangakan ra akanon ondo' ampos ru tana' no, musiti' pasuayon santayaran ra akanon no tayar ru taak luntukon ra Tuhan.

UNTABAN 15:21

Koson ra paat kolondo' pupus, ruti' intor ra adunan kasaa' no musiti' pataakon tayar ru taak luntukon ra Tuhan.

UNTABAN 18:21

Indagu Tuhan, “Ngaangai' sampiopor ondo' pataakon ru ulun ru Israil Raki' pataakon Ku ra ulun ru Liwi. Ginio noyo bayaran ru kandoi nilo giu' ra Kim Kuno.

UNTABAN 18:24

sabap ra longgom nilo, nanaak Aku noyo risilo sampiopor ondo' pataakon ru ulun ru Israil Raki' tayar ru indangan luntukon. Ginio sabap ra nambala' Aku ra ulun ru Liwi ra ilo kalo makapanungkus ra tana' giu' ra Israil.”

SAGULION 14:22

“Lilio' noyo taak sampiopor, iono sampiopor intor ra ngaangai' ampos ru umo min ra moonong bilor.