NIGIMIA 10:32 - Tanou Moonsoi Timugon

³² Moonong bilor akai sigagama' mangani' limo ngagram pirok koson balanja' ra Baloi ru Tuhan.

NIGIMIA 10:32 ပူးပေါင်းရင်းမြစ်များ

KASAUKAN 28:22

Batu pangkaraan ra pinotolorog kutu masauk ra intok sumamba Rirun, am aniin Tokou ra sampiopor intor ra ngaangai' ondo' pataakon Muno raki'.”

1 TUNUNG RU BANSA' ISRAIL 26:27

Santayaran intor ra kuliamos tinakou ondo' noowot ralalom ru pangayawan, pinataak nilo koson pakayon ayuk giu' ra ralalom Baloi ru Tuhan.

NIGIMIA 13:15

Paat raginio nakito ku mamagun ru Jiuda namaga' ra kawa' ru anggur paat ra orou Sabat. Santayaran ra ulun bokon nampasakoi ra unor-unor, kawa' ru anggur, kawa' ru ara am kuliamos ra bokon ra bakulung ru kaladai nilo, am inibit ginio ra Jirusalim. Pinakara' ku ilo maa' raginio kalo mantalan ra atan pana paat ra orou Sabat.

NIGIMIA 13:18

Ginio sabap no ri Aki Kapuuno' nangukum ra kinamatuaan takali ragili am namuso ra bandar ti. Raino akau nangkinibit ri Aki Kapuuno' siminangit poyo ra Israil ra jinamol orou Sabat!”

NIGIMIA 13:21

Pinakara' ku ilo, “Kolondo' onong min masuaban maginaa ra giu' no. Amon ru baalon min poyo baal raginio, moporos timbalos kuno ramuyun.” Intor raginio kalo boo minatong ilo paat ra orou Sabat.

NIGIMIA 5:10

Aku galama' nampaira' noyo ra ruit am gandum ra mamagun; koon niayuk ondo' binaal ru rangan-rangan kuno am ulun ondo' mangandoi ra tayar kuno. Raino, ibok kano langgai' takau sika' makibayar saguli' ra ira' no.

NIGIMIA 9:14

Nangila' Kou risilo mangiantak ra orou Sabat ondo' mapasau no, am ondo' pinabala' galing ra ulipon Muno i Musa, nangani' Kou risilo ra ukum Muno.

KAINGKUALAN 23:11

Kaa' paat ra bilor ra katulu' musiti' tana' no polosoon. Buoi ru bilor raginio kalo panimungon kau ra ampos ru atan pana ondo' tumuu' galama' ra umo min. Polosoon noyo alapon ru ulun musikin, am suwo no tayar ru bibiag masigo. Baalo' niayuk ginio ra umo ru anggur am puun ru jaitun mino.

AMSAL 3:9

Urumato' noyo Tuhan am anii' Io ra taak intor ra rapu' am ampos ru tatanom muno ra moonsoi kaga'.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.