NIGIMIA 10:31 - Tanou Moonsoi Timugon

³¹ Amon ru ulun bansa' ra bokon matong mantalan ra gandum kapoam atan ayuk ramon paat ra orou Sabat, kapoam paat ra orou-orou mapasau ra bokon, kalo balion mai intor risilo. Paat ra moonong bilor katulu', kalo mantanom akai ra umo, am ngaangai' utang pusoon mai.

NIGIMIA 10:31 ပူးပေါင်းရင်းမြစ်များ

IMAMAT 23:3

Mokoondo' onom ngoorou akau mangandoi, kaa' karaa' noyo ra paat orou katulu', iono orou Sabat, iono orou tangusan. Pai' pangandoi orou raginio, kaa' pantimung no ra sumambayang. Orou Sabat no orou timpokon ra Tuhan, ra ati ayuk inayanan mino.

KAINGKUALAN 20:10

kaa' orou ra katulu' iono orou tangusan ondo' patimpokon Raki'. Paat ra orou raginio sangulun pana kalo pongondoyon: okou, anak muno, ulipon muno, bibiag tinambiag muno kapoam ulun bansa' ru bokon ondo' minayan ra pagun muno.

JISAYA 58:6

Gitio noyo pali ra kasagaan Kuno: Iruo' noyo bangkil kaimbalaan am saanin ra kolondo' katimpakan, am palabuso' noyo ulun-ulun ondo' inimbolo'.

2 TUNUNG RU BANSA' ISRAIL 36:21

Koon raginio noyo nasauk atan ondo' rinagu ru Tuhan ondo' pinabala' galing ra Nabi Jirimia, “Pagun ragitio mokoloso buoi tulu' ngoopor ngambilor koson papaliton ra bilor-bilor Sabat ondo' kalo linio.”

IMAMAT 23:21

Paat ra orou raginio pai' baalo' kandoi moonong orou, kaa' timung no ra sumambayang. Musiti' aturan ti gagayaan ru papag mino ra sabubuoi no, ra ati ayuk inayanan nilono.

IMAMAT 16:29

Aturan ragitilo musiti' gagayaan ra sabuoi-buoi no. Paat ra orou ra koopor sila' katulu', ulun ru Israil am ulun bansa' ru bokon ondo' siminimpung risilo, musiti' mampali am kalo pongondoyon.

KAINGKUALAN 12:16

Paat ra orou kasaa', am igondo' poyo paat ra orou katulu', musiti' kau tumimung koson sumambayang. Paat ra orou-orou raginio kalo pongondoyon kau ra atan pana, kaa' akanon matampos min.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

KOLOSI 2:16

Ginio ra pai' min rongogo' ulun ondo' mambaal ra aturan ru ati kia moonsoi akanon kapoam inumon, kapoam aturan ru pangiantakan, bulan bagu kapoam orou Sabat. Pai' kau pangkirongog ra ilo maguta' ra ngaangai' no kalo gagayaan min.

MATIUS 6:12

Ampuno' noyo tula mai, koson akai niayuk mangampun ra ulun ondo' makatula ramon.

KAINGKUALAN 34:16

Anak ungkuyon mino maaru' maguot ra anak ruandu' nilono, ondo' mangkinibit ra anak ungkuyon mino kalo boo gumagaya' Raki', am sumamba ra tuhan ra bokon.

NIGIMIA 13:23

Paat raginio nakito ku niayuk masuang ungkuyon ru Jaudi ondo' nagandu' noyo ra ruandu' ru bansa' ru Asdod, Amon am Moab.

NIGIMIA 13:27

Mapara' kia laat ru binaal mino! Baani kau manggal ri Aki Kapuuno' ra nagagandu' ra ruandu' bansa' ra bokon!”