NIGIMIA 10:29 - Tanou Moonsoi Timugon

²⁹ minaya' ra tingganai-tingganai mai am nagibot ra maayag akai sumugut ra ukum ri Aki Kapuuno' ondo' tinaakan Nano ondo' pinabala' galing ri Musa. Magibot akai koson gumagaya' ra ngaangai' susuban ondo' tinaakan ramon ru Tuhan, iono Tuhan mai; nagibot akai koson gumagaya' ra ngaangai' ukum am aturan Nano.

NIGIMIA 10:29 ပူးပေါင်းရင်းမြစ်များ

2 RAJA'-RAJA' 10:31

Kaa' kalo giminagaya' Raja' Jigu ra Ukum ru Tuhan, i Aki Kapuuno' ru Israil, ra sotopot ru guang nano. Binaya' no binaal ru Raja' Jirobiam, ondo' nangkinibit ra ulun ru Israil makatula.

2 RAJA'-RAJA' 23:3

Minigor io ra sapapa' ru lugu' ondo' timpokon ra raja', am nambaal ra nabantuan ra Tuhan, koson gumagaya' Riso, am sumugut ra ukum am susuban Nano ra totopot ru guang am salibuor nano, am niayuk manugut ra ngaangai' kitaakon ru nabantuan ondo' tinulisan ra ralalom ru kitab no. Ngaangai' mamagun ru pagun no nambantu' koson gumagaya' ra nabantuan no.

1 TUNUNG RU BANSA' ISRAIL 9:2

Intor risilo ondo' siminaguli' galing ra tana' longgom nilo giu' ra bandar-bandar iono ulun nasuangan, imam-imam, ulun ru Liwi am ulun-ulun mangngandoi ra Baloi ru Tuhan.

2 TUNUNG RU BANSA' ISRAIL 34:31

Minigor raja' giu' ra sapapa' ru lugu' ondo' timpokon ra raja', am nambaal ra nabantuan ra Tuhan ra gumagaya' io Riso, am sumugut ra ukum am niayuk susuban Nano ra sotopot ru guang am salibuor, am niayuk maya' ra ngaangai' rinagu ra nabantuan ondo' tinulisan giu' ra ralalom ru kitab no.

2 TUNUNG RU BANSA' ISRAIL 6:16

Ginio ra iou Tuhan, i Aki Kapuuno' ru Israil, suguto' niayuk bantu' ondo' rondo' poyo ra ama' kuli. Minindagu Kou riso ra intor ra papag nano, magail mokoondo' sangulun koson mamarinta koson ra raja' ru Israil, ondo' ra ilo gumagaya' ra Ukum Muno koson ra Raja' Daut.

NIGIMIA 13:25

Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon.

NIGIMIA 7:46

Gitio noyo suang ru bansa' mangngandoi giu' ra Baloi ru Tuhan ondo' siminaguli' intor ra pamatiran: Jiga, Gasupa, Tabaot, Kiros, Sia, Padon, Libana, Gagaba, Salmai, Ganan, Gidil, Agar, Riaya, Rijin, Nikoda, Gajam, Uja, Pasia, Bisai, Miunim, Nipusim, Bakbuk, Gakupa, Gargur, Bajlit, Migida, Garsa, Barkos, Sisira, Tima, Nijia am Gatipa.

NIGIMIA 8:2

Ginio ra inibit ri Ijra kitab no ra saang ru ngaangai' ulun ondo' natitimung. Ilo no ungkuyon, ruandu' am lalaing-lalaing ondo' makarati' ra suang ru kitab no.

NIGIMIA 8:3

Giu' intok malimparang no, maar ra kulobon garabang, nambasa' i Ijra ra Taurat no risilo intor ra susuab polos ra tanga' ru orou, am ilo ngaangai' nangkirongog toojo.

NIGIMIA 9:38

Sabap ra ngaangai' ondo' nasauk no, akai ulun ru Israil nambaal ra nabantuan ondo' mapiot am tinulisan, am ondo' sinaapan ra segel ru tingganai-tingganai mai, ulun-ulun ru Liwi am imam-imam mai.

MAZMUR 105:45

maa' raginio ulun Nano gumagaya' ra ukum Nano, am mambaal ra ngaangai' panusuban Nano. Omporo' noyo Tuhan!

MAZMUR 119:106

Intopoton ku bantu' ondo' nagibatan kuli, koson mampaguut ra inatang Muno ondo' matimpok.

MAZMUR 8:1

Ra tingganai ru santimungan maririmbai. Sumugut ra layuk ri Gitit. Mazmur ri Daut.

MAZMUR 8:9

susuit ra lantur am papait ra raat, am niayuk moonong ondo' maayag ra raat.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JIRIMIA 26:4

Nanusub Tuhan raki' mindagu risilo, “Koon ragitio ragu ru Tuhan, ‘Aku, Tuhan, nanusub noyo maa' raginio musiti' kau gumagaya' Raki' am mambaal ra ukum ondo' tinaakan Ku noyo ramuyun.

JIRIMIA 34:15

Kukula' ngoorou ra nakasail, nambaal kau ra baal ondo' mapabansuk ra guang Kuno. Akau ngaangai' nangiou koson mampalabus ra gino ngai' ru bansa' min ondo' nasauk ra ulipon. Nambaal kau ra nabantuan ra saang Kuno giu' ra Baloi Kuno, intok Aku sambaan.

YEHEZKIEL 36:27

Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.

IMAMAT 20:26

Musiti' kau matulai am masauk ra longgom Kuno ayuk, sabap ra Aku noyo Tuhan am matulai Aku. Napatuliar Aku noyo ramuyun intor ra bansa'-bansa' ra bokon, maa' raginio masauk kau ra longgom Kuno ayuk.

MALIAKI 4:4

Karaa' pangilaan ru ulipon Kuno i Musa. Karaa' ukum am susuban ondo' tinaakan Kuno riso giu' ra Gunung Sinai koson gagayaan ru ngaangai' ulun ru Israil.

UNTABAN 5:21

polosoon noyo Tuhan mapasauk ra inggalan muno rondo' ulas ra gino ngai' ru bansa' muno. Kumumpis tingkuangon muno am kumabung tinai' muno.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 15:14

Amon ru gumagaya' kau ra panusuban Kuno, akau no rangan Kuno.

JUANIS 7:19

Sala' ka kia i Musa nangani' ramuyun ra Ukum no? Kaa' kolondo' sangulun pana intor ramuyun no gumagaya' toojo ra Ukum no. Kua gogot kau mamatoi Raki'?”

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 17:34

Mokoondo' niayuk kukula' ngaulun intor risilo i nangintopot am minaya' ri Paulus. Ondo' minaya' intor risilo i am i Dionisius, sangulun ru Majlis bandar, am sangulun ruandu' makainggalan ri Damaris am kukula' ngaulun poyo.

RINALATAN 23:21

Kaa' pai' gagayaa' kitaakon nilono, sabap ra mokoondo' olo'-olo' apat ngoopor ngaulun nansibuni koson magawang riso. Nagigibot ilo no ngaangai' ra kalo mangakan am manginum amon ru kalo poyo mapatoi nilo galing i Paulus. Raino, nakatampos ilo noyo, maginaa ayuk boo ra pangiawan muno.”

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

SAGULION 33:4

Gumagaya' takau ra Ukum ondo' tinaakan ri Musa ritakau; ginio noyo rapu' ru bansa' ondo' mologo kaga'.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.

SAGULION 5:32

“Akau ulun ru Israil, tutuno' ra baalon min ngaangai' ondo' nanusuban ru Tuhan i Aki Kapuuno' min. Pai' anggal ra rondo' pana ukum Nano.