NIGIMIA 1:9 - Tanou Moonsoi Timugon

⁹ Kaa' amon sumaguli' kau Raki' am mambaal ra susuban Kuno, ibiton Takamin saguli' ra intok ondo' pinili' Ku noyo koson ra intok Aku sambaan, kabalu' pana nakapantutuliar kano ra titikop ru tana' ti.’

NIGIMIA 1:9 ပူးပေါင်းရင်းမြစ်များ

1 RAJA'-RAJA' 8:48

Amon ru giu' ra pagun no topot-topot ilo timinalikur intor ra tula, am makiasi' Rirun liliwa' tumingkuang tampilon ra pagun ti ondo' tinaakan Mu noyo ra kinamatuaan maili am tampilon ra bandar ondo' pinili' Muno, am niayuk Baloi ti ondo' binaal kuno Rirun,

1 RAJA'-RAJA' 9:3

Indagu Tuhan riso, “Norongog Ku noyo pakiasian muno. Patimpokon Ku Baloi ondo' binaal mutu koson ra intok sumambayang Raki' ra sabuoi-buoi no. Magail Aku magalung am manindung ra intok ti.

1 TUNUNG RU BANSA' ISRAIL 16:35

Ragui' Io, “Iou Aki Kapuuno', Mamamayag ramon, bayago' akai intor ra kuasa' ru bansa'-bansa'. Timungo' akai no maa' raginio makaparingkuanang akai am mongompor ra inggalan Muno ondo' matulai!”

IJRA 6:12

Gama' ru i Aki Kapuuno' ondo' nampili' ra Jirusalim koson ra intok Nano sambaan, mamuso ra raja' kapoam bansa' ra atan pana ondo' manggal ra susuban ti am niayuk kuminam mamuso ra Baloi ru Tuhan. Aku, Raja' Darius nangingkual noyo ra susuban ti. Paugaro' noyo susuban ragitio ra bobonsoi.”

MAZMUR 106:47

Bayago' akai no, iou Tuhan, i Aki Kapuuno' mai, am ibito' akai no muli' intor ra bansa'-bansa', maa' raginio maringkuanang akai, am mongompor ra inggalan Muno ondo' matulai.

MAZMUR 107:3

am magibit ramuyun sumaguli' intor ra pagun-pagun suai, intor ra sirangon am kalasaan, intor ra ralayo am rabugus.

MAZMUR 147:2

Tuhan napatapuli' ra Jirusalim; Ibiton No ulun ru Israil sumaguli' intor ra namatiran.

JISAYA 11:12

Bilaron ru Tuhan bandira' koson mapabala' ra ngaangai' bansa' ra Io tatanga' manimung saguli' ra mamagun ru Israil am Jiuda ondo' nakapantutuliar ra titikop ru tana' ti am magibit risilo muli'.

JISAYA 27:12

Bulintok raginio, intor ra Sungoi Iprat saboi ra balitan ru pagun ru Misir, mampalulur Tuhan ra ulun Nano, koson ra ulun mapasuai ra gandum am apol.

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JIRIMIA 12:15

Kaa' malupus ra Aku mamatir risilo, makaasi' Aku poyo risilo; moonong bansa' ibiton Ku sumaguli' ra pagun nilo galama'.

JIRIMIA 3:14

“Ulun kau ra kalo gumagaya', saguli' kano Raki'; akau longgom Kuno. Mangalap Aku ramuyun, sangulun intor ra moonong bandar, am ruo ngaulun intor ra moonong bansa', am Aku pana magibit ramuyun sumaguli' ra Bulur Sion.

JIRIMIA 31:10

Indagu Tuhan, “Rongog kano bansa' kau ngaangai'! Potonowo' noyo tanou Kuno ra sandaup ru raat Ulun Kuno ondo' pinantutuliar Kuno timungon Ku am alungin Ku koson ra magagalung mantamung ra domba nano.

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

JIRIMIA 6:22

Indagu Tuhan, “Ulun matong intor ra rondo' pagun giu' ra ralayo; rondo' bansa' ondo' maikang giu' ra pagun maalur tatanga' tumampos koson mangayou.

YEHEZKIEL 14:6

“Ginio ra balai' ulun ru Israil ra Aku, Tuhan Raja' mindagu, ‘Talikur kano intor ra tula, am iruani' noyo sinungkalalaing mino ondo' makauyuyu' no.’

YEHEZKIEL 36:24

Timungon Takamin intor ra moonong pagun am intor ra moonong bansa' am magibit ramuyun muli' ra pagun min galama'.

IMAMAT 26:3

“Amon ru maayag kau sumugut ra ukum Kuno am gumagaya' ra susuban Kuno,

JAKARIA 8:7

Mamayag Aku ra ulun Kuno intor ra pagun-pagun intok ilo pinatiran,

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

SAGULION 12:21

Amon maalur kaga' intok sambayangan no, am sasanggilan ayuk, iowon kau manimbalui ra sapi' kapoam domba ondo' taakin ramuyun ru Tuhan. Iowon kau mangakan ra kual ru bibiag no giu' ra baloi, koson ondo' rinagu ku noyo ramuyun.

SAGULION 12:5

Intor ra titikop wilayah ru ngaangai' bansa' min, mampili' Tuhan rondo' intok maa' raginio makaratong kau ra saang Nano am sumamba Riso ra giu' no.

SAGULION 30:1

“Nangani' aku noyo ramuyun ra pilian ru barakat kapoam ulas. Paat ra ngaangai' baal ragitio masauk ramuyun, am mayan kau ra gino ngai' ru bansa'-bansa' ra intok akau pinantutuliar ru Tuhan i Aki Kapuuno' min, am makara' min pilian ondo' taakin kuno ramuyun.