NIGIMIA 1:7 - Tanou Moonsoi Timugon

⁷ Natulaan akai toojo Rirun, am kalo nambaal ra susuban Muno. Kalo giminagaya' akai ra ukum ondo' tinaakan Muno ondo' pinabala' galing ri Musa, ulipon Muli.

NIGIMIA 1:7 ပူးပေါင်းရင်းမြစ်များ

1 RAJA'-RAJA' 2:3

Baalo' atan ondo' nanusuban ru Tuhan, i Aki Kapuuno' muno rirun. Gagaya' no ra ngaangai' ru ukum am panusuban Nano ondo' tinulisan ralalom ru Ukum ri Musa, maa' raginio ati ayuk pana angayan muno, iawo kou ra ngaangai' ru pirot muno.

2 TUNUNG RU BANSA' ISRAIL 25:4

kaa' kalo pinatoi no anak-anak nilo. Siminugut Raja' Amajia ra atan ondo' sinusub ru Tuhan ralalom ru Ukum ri Musa ondo' bolos no koon ragitio, “Matuo kalo ukumin sabap ra kasalaan ru anak nilo. Anak kalo ukumin sabap ra kasalaan ru matuo nilo. Moonong ulun iowon ayuk ukumin sabap ra kasalaan ondo' binaal nano galama'.”

2 TUNUNG RU BANSA' ISRAIL 27:2

Binaal ru Raja' Jotam atan ondo' kasagain ru Tuhan, koson ra Raja' Ujia ama' nali, kaa' io kalo koson ra ama' nali ondo' makatula ra nonolob ra kaminyan giu' ra Baloi ru Tuhan. Kabalu' pana raginio, mamagun nano narayus ayuk makatula.

IJRA 7:6

I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

MAZMUR 106:6

Natulaan akai koson niayuk ra kinamatuaan maili; mangalaat am mausung akai.

MAZMUR 89:31

Kaa' amon ru sayat nano manggal ra ukum Kuno, am kalo maayag sumugut ra ragu Kuno;

MAZMUR 89:32

am amon ru kalo gagayaan nilo susuban Kuno, am lilianin nilo panusuban Kuno,

JISAYA 1:4

Aibui boo ramuyun, alii ra bansa' ra makatula, alii ra ulun ondo' mapuka' am malaat! Tula mino napatibusu ramuyun! Inimpayan min Tuhan, i Aki Kapuuno' ondo' matulai, i Aki Kapuuno' ru Israil am tinatang min Io.

DANIL 9:11

Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

GOSIA 9:9

Binaal mino malaat kaga', koson ondo' binaal ru ulun giu' ra Gibia. Karaan ru Tuhan tula min am mangukum ramuyun.

IMAMAT 27:34

Ginilo noyo susuban ondo' pinataak ru Tuhan ri Musa giu' ra tampak ru Gunung Sinai tayar ru ulun ru Israil.

JIPANYA 3:7

Mangkara' Aku, ‘Raino maaru' ulun Kuno mangurumat Raki' am mangapu ra pangilaan Kuno. Maaru' masalok ilo mangkara' ra pangilaan ondo' pinataak Ku risilo.’ Kaa' ilain ra giminaai ilo poyo nambaal ra malaat intor ra buoi ti.”

MALIAKI 4:4

Karaa' pangilaan ru ulipon Kuno i Musa. Karaa' ukum am susuban ondo' tinaakan Kuno riso giu' ra Gunung Sinai koson gagayaan ru ngaangai' ulun ru Israil.

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.

SAGULION 6:1

“Nanusub Tuhan i Aki Kapuuno' min raki' mangila' ramuyun ra ngaangai' ukum ti. Gagayaa' noyo ngaangai' no giu' ra tana' ondo' mataki' min ayanin.

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”