NIGIMIA 1:6 - Tanou Moonsoi Timugon

⁶ Ilai' aku, iou Tuhan, am rongogo' pakiasian kutu, tatanga' aku makiasi' orou am rondom koson ra bala ru ulipon-ulipon muno, ulun ru Israil. Mangiou aku ra akai ti, ulun ru Israil, makatula noyo. Kinamatuaan kuli am aku makatula noyo.

NIGIMIA 1:6 ပူးပေါင်းရင်းမြစ်များ

1 RAJA'-RAJA' 8:30

Rongogo' noyo pakiasian kutu am pakiasian ru ulun Muno paat ra ilo tumingkuang ra intok ti am makiasi'. Intor ra intok inayanan Muno giu' ra suruga', rongogo' noyo akai am ampuno' noyo akai.

1 RAJA'-RAJA' 8:47

rongogo' noyo ulun Muno. Amon ru tumalikur ilo intor ra tula am makiasi' Rirun ra pagun no, am niayuk mangiou ra makatula ilo am mambaal ra malaat, rongogo' noyo pakiasian nilo, iou Tuhan.

2 TUNUNG RU BANSA' ISRAIL 28:10

Raino akau pana namparakop ra mamagun ru Jirusalim am Jiuda, am masaga' mampasauk risilo ra uliponon min. Kalo kia nakapandai kau ra akau galama' pana makatula noyo ra Tuhan, i Aki Kapuuno' min?

2 TUNUNG RU BANSA' ISRAIL 29:6

Kinamatuaan takali kalo giminagaya' ra Tuhan, i Aki Kapuuno' takau. Binaal nilo atan ondo' kalo kasagain Nano. Inimpayan nilo Io am kalo nampalio ra intok ayanan Nano.

2 TUNUNG RU BANSA' ISRAIL 6:40

“Raino, iou i Aki Kapuuno' kuno, tantangi' akai am rongogo' pakiasian ondo' pinasaboi Rirun ra intok ragitio.

IJRA 10:1

Liliwa' nantangi' igulatur i Ijra koson makiasi' am mangiou ra saang ru Baloi ru Tuhan. Liliwa' raginio masuang ulun ru Israil – ungkuyon, ruandu' am lalaing – minatong timinimung limpu riso; ilo niayuk sasisikok nantangi'.

IJRA 10:11

Ginio boo sabap ra iowo' noyo tula mino ra saang ru Tuhan, i Aki Kapuuno' ru kinamatuaan min am baalo' noyo atan ondo' makabansuk ra guang Nano. Inggalur kau intor ra ulun ru bansa' ra bokon ondo' minayan ra pagun takau, am pagiruo' ngaangai' andu' min ondo' bansa' ra bokon no.”

NIGIMIA 1:11

Ginio ra, rongogo' noyo pakiasian kutu am pakiasian ru ulipon-ulipon Muno ra bokon, ondo' moogot mangurumat Rirun. Anii' ra kaindanganan Muno maa' raginio paat ra orou raiti' ulipon Muno makasugut makaalap ra pakimasian intor ra raja'.” Paat raginio, aku ti mampasulung ra inumon ru raja'.

MAZMUR 102:17

Amon Sion no baalon saguli' ru Tuhan, pabalaan No katulayan Nano.

MAZMUR 106:6

Natulaan akai koson niayuk ra kinamatuaan maili; mangalaat am mausung akai.

MAZMUR 130:2

Iou Tuhan, rongogo' noyo sinulabit kutu, rongogo' noyo pampiawan kutu makiindangan.

MAZMUR 32:5

Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

MAZMUR 34:15

Tatango' min kalaatan am pambaal kano ra moonsoi; gogoto' min toojo pababansayan.

MAZMUR 55:17

Kaa' mampiau aku ra Tuhan i Aki Kapuuno' koson mangindangan raki', am bayagon No aku.

MAZMUR 88:1

Rondo' rimbai. Mazmur ru bansa' ri Kora. Pataakon ra tingganai ru santimungan maririmbai. Maya' ra rimbai ri: Magalat Liyanot. Sisindiron ri Giman, ulun ru Ijragi.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

SULABOI 5:7

Kinamatuaan mai makatula, am raino kalio boo; kaa' akai musiti' maimbolo', sabap ra tula-tula nilo.

DANIL 9:15

“Nanulu' Kou ra kuasa' Muno bulintok ra Okou nagibit ra ulun Muno miningkual intor ra Misir, iou Tuhan, i Aki Kapuuno' mai. Lakat mai poyo makara' kuasa' Muno. Makatula akai noyo am nambaal ra kasalaan.

DANIL 9:20

Rinayus ku nakiasi', am nangiou ra tula kuno am niayuk tula ru bansa' kuno Israil. Aku niayuk nakitaak ra Tuhan, i Aki Kapuuno' kuno koson mapatapuli' ra Baloi Nano ondo' matulai.

DANIL 9:4

Pakiasi' aku ra Tuhan, i Aki Kapuuno' kuno, am nangiou ra tula ru bansa' kuno ra saang Nano. Indagu aku, “Iou Tuhan, i Aki Kapuuno', Okou maayo, am mangurumat akai Rirun. Manugut Kou ra nabantuan Muno, am magail Kou motogom ra ulun ondo' motogom Rirun am ondo' gumagaya' ra susuban Muno.

DANIL 9:5

“Makatula akai noyo. Nambaal akai noyo ra kalaatan. Nambaal akai noyo ra kasalaan. Minanggal akai noyo ra susuban Muno, am siminiang intor ra aturan Muno.

DANIL 9:8

Raja'-raja' mai, panguasa'-panguasa' mai am kinamatuaan mai nambaal noyo ra baal ondo' makauyuyu' am niayuk makatula Rirun, iou Tuhan.

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

LUKAS 2:37

Raino balu' ngoopor am apat ngambilor noyo kinatuo nano. Orou-rondom io soroi ra Baloi Tuhan koson makiasi' ri Aki Kapuuno' am mampali.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

1 TIMOTIUS 5:5

Napuor ondo' totopot misasangulun ayuk, koson kolondo' magalung riso, malansan io ayuk ri Aki Kapuuno'. Orou-rondom kalo lulumonggo' io makiasi' koson makitaak ra kaindanganan Nano.

2 TIMOTIUS 1:3

Maringkuanang aku ri Aki Kapuuno' ondo' sinugut kuno mabaya' ra guang mapasau, mogondo' ra kinamatuaan kuno. Orou-rondom niayuk masalok aku mangkara' rirun ralalom moonong pakiasian kuno.

1 JUANIS 1:9

Kaa' amon ru mangiou takau ra tula takau ri Aki Kapuuno', intopoton No bantu' Nali ritakau am mambaal Io ra atan ondo' motopot; ampunon No tula takau am mangimpasau ritakau intor ra ngaangai' kalaatan.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.