NIGIMIA 1:3 - Tanou Moonsoi Timugon

³ Nantunung ilo ra ulun ragili ondo' pinatiran ondo' siminaguli' noyo ra pamagunan galama', raino naayag ra naimbolo' am inasaban ru bansa'-bansa' ra bokon ondo' minayan giu' ra paginggaar nilo. Inambai poyo ra timbok ru Jirusalim lakat poyo nangalunsai, am kulobon-kulobon garabang nano kalo poyo pinuna' intor ra nosolob ragili.

NIGIMIA 1:3 ပူးပေါင်းရင်းမြစ်များ

1 RAJA'-RAJA' 9:7

patirin Ku ulun Kuno Israil intor ra pagun ondo' tinaakan Kuno risilo. Iruanin Ku niayuk Baloi ti ondo' timpokon Ku koson ra intok sumambayang Raki' ayuk. Ulun giu' ra ati-ati intok no manauyu' am magasab ra ulun ru Israil.

2 RAJA'-RAJA' 25:10

Napalunsai saujor-saujor nano ra timbok ru bandar.

2 TUNUNG RU BANSA' ISRAIL 36:19

Linunsai ru raja' no timbok ra bandar ru Jirusalim am nonolob ra bandar no, nakaaya' Baloi ru Tuhan am ngaangai' istana, nababaya' ra kuliamos mongologo giu' ra ralalom ru istana.

IJRA 2:1

Masuang ra gino ngai' ru ulun pinatiran nangiruan ra Babilonia am siminaguli' ra Jiuda am Jirusalim, sigagama' minongoi ra bandar nano galama'. Minayan ilo giu' ra pamatiran ra Babilonia intor ra Raja' Nibukadnijar nagibit risilo ra giu' koson ra ulun rinakop.

IJRA 5:8

“Moogot akai mambala' rirun raja' ra minongoi akai noyo ra Jiuda am nakakito ra Baloi Sambayangan koson ri Aki Kapuuno' Ondo' Maayo, tatanga' baalon saguli' ra batu mangaayo am timbok ondo' linapisan ra tataun. Kandoi no binaal ra matuyu' kaga' am matanda'.

NIGIMIA 11:3

Giu' ra ngaangai' pekan am bandar-bandar ra bokon, mamagun ru Israil, imam-imam, ulun-ulun ru Liwi, ulun-ulun mangandoi ra Baloi ru Tuhan, am papag ru ulipon-ulipon ri Salomo mayan giu' ra bandar am giu' ra tana' ru sigagama'. Gitio noyo suang ru inggalan ru ulun maatang intor ra wilayah Jiuda ondo' mayan giu' ra Jirusalim:

NIGIMIA 2:13

Orou lakat poyo molondom paat ra aku miningkual intor ra bandar nansail ra Kulobon Garabang Limayak giu' ra tampilon kalasaan, am minongoi aku ra tampilon rabugus, nansail ra Taur ru timug Tambuakal, minongoi ra Kulobon Garabang Ginsamol. Buoi ru pangkiralanan no, inilayan ku toojo timbok ru bandar ondo' nangaaba' am kulobon-kulobon garabang nano napuso nosolob ru apui.

NIGIMIA 2:17

Kaa' indagu aku boo risilo, “Ilai' baal takau ondo' naimbolo' ti! Bandar ru Jirusalim soroi ayuk boo lunsai no am kulobon-kulobon garabang no ondo' napuso nosolob ru apui. Ibok baalo' takau saguli' timbok ru bandar maa' raginio kalo boo asabin takau.”

NIGIMIA 2:3

am taam, “Kaayag kono raja' ra sabubuoi no! Ati kulaan aku kalo mangiluk, paat ra bandar intok ru kinamatuaan kuno linobong raino nalunsai, am kulobon-kulobon garabang nano napuso nosolob ru apui.”

NIGIMIA 7:6

Masuang ra gino ngai' ru ulun pinatiran nangiruan ra wilayah Babil am minuli' ra Jirusalim am Jiuda, sigagama' giu' ra bandar nano galama'. Sasambaloi nilo lair noyo naayag ralalom pamatiran giu' ra Babilonia, intor ra Raja' Nibukadnijar nagibit risilo ra giu' koson ra ulun rinakop.

ESTER 1:1

Giu' ra Susan, pusor bandar ru Pirsia, Raja' Agaswiros namarinta ra 127 wilayah, intor ra India polos ra Itiopia.

MAZMUR 79:4

Ngaangai' bansa' ra paginggaar mangiis ramon; makakurit ilo am magagasab ramon.

AMSAL 25:28

Ulun ra kalo mokoorot ra guang koson ayuk ra bandar ra kolondo' kubu am matasu' bulunsaron ru pantula'.

JISAYA 43:28

am imam-imam mino mapajamol ra intok ayanan Kuno. Ginio sabap ra namuso Aku ra Israil, Polosoon Ku ulun Kuno asabin.”

JISAYA 5:5

Gitio noyo baalon kuno ra umo ru anggur kuno: bubulon ku insor ra liput nano, am mamalunsai ra timbok nakasindung riso, am mopoloso ra bibiag masigo mongkotop riso am manginginjang riso.

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 39:8

Liliwa' raginio ulun ru Babilonia nonolob ra istana ru raja' am baloi ru mamagun, am niayuk nampalunsai ra timbok ru Jirusalim.

JIRIMIA 42:18

Tuhan, i Aki Kapuuno' ru Israil minindagu, ‘Koson ra sangit am lasu' ru guang Kuno nakalumpa' ra mamagun ru Jirusalim, koson raginio niayuk ra lasu' ru guang Kuno lumampa' ramuyun amon ru mongoi kau ra Misir. Mangalaa' ulun magilong ramuyun; asabin kau, am inggalan min alapon koson ra pagulasan. Kalo boo makakito kau ra pagun ti.’ ”

JIRIMIA 5:10

Mangator Aku ra pantula' koson mampaluyak ra umo ru anggur ru ulun Kuno, kaa' sala' ka koson mamuso ra malingon. Manusub Aku ra pantula' mangindaan ra bulisang ru puun ru anggur, sabap ra bulisang-bulisang no sala' ka Aku tatangan.

JIRIMIA 52:14

saujor-saujor nano nampalunsai ra timbok ru bandar.

SULABOI 1:7

Nakakara' Jirusalim ra kinaayo nano paat ra galing i; raino bandar no nalunsai am naimbolo' kaga'. Kolondo' osoi pana ondo' mangindangan riso paat ilo kinala ru pantula'; ngaangai' panguasa' nakakurit ra naratuan nano.

SULABOI 2:9

Kulobon-kulobon garabang nalunsai napumpunan ru ondo' nalunsai, am tataun ru umpok nano nangapandak. Raja' am tingganai-tingganai raino giu' ra pagun pamatiran. Ukum ru Tuhan kalo boo pailaan, am nabi-nabi kalo boo mangapu ra pinaintalang intor ra Tuhan.

SULABOI 3:61

“Nokorongog Kou ra ilo magasab raki', iou Tuhan, nakapandai Kou ra ngaangai' inatang malaat nilo.

SULABOI 5:1

Karaa' noyo, iou Tuhan, atan ondo' nasauk noyo ramon. Ilai' akai no, ilai' nagasaban ramon.

IMAMAT 26:31

Mapalunsai Aku ra bandar mino am niayuk intok pampakanan mino. Kalo mangapu Aku ra taak intor ramuyun.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.