NAGUM 3:15 - Tanou Moonsoi Timugon

¹⁵ Atan pana ondo' baalon muno kolondo' onong, sabap maaru' solobon kou saboi matoi kapoam potoyon ralalom pangayawan. Nampaliot kou koson ra tatanom ondo' kinai' ru gapu'. Nansayat kou noyo koson ra gapu'!

NAGUM 3:15 ပူးပေါင်းရင်းမြစ်များ

JISAYA 66:15

Matong Tuhan mabaya' ra apui. Matong Io sumakoi ra bagiu' koson mangukum ra ulun ondo' sangitin Nano.

JISAYA 66:16

Mabaya' ra apui am ilang, ukumin No ngaangai' ulun ru tana' ti ondo' mapandayan No makasala; masuang ulun ukumin ra matoi.

JIRIMIA 51:14

Tuhan Ondo' Maayo Kaga' Kuasa' nagibot noyo ralalom inggalan Nano galama' ra mamparatong Io ra ulun ra kinasuang no koson ra gapu' sampanon koson mamulunsar ra Babilonia, am gumolok ilo ra golos ru kamanangan.

JOIL 1:4

Sampanon ru gapu' ondo' kalo mauntob suang no minorop giu' ra umo-umo am nangai' ra ampos no. Atan ondo' tinatang ru sampanon ra gapu' no, sinaliir ru sampanon ra bokon poyo.

JOIL 2:25

Paaligon Ku ngaangai' nangalubat ramuyun ra bilor-bilor bulintok ra gapu' nangakan ra ampos ru tinanom min. Aku noyo ondo' nanusub ra sampanon ru gapu' no nantipagon ramuyun.

AMOS 7:1

Nakaalap aku ra rondo' napakitanan intor ra Tuhan Raja'. Ralalom ru napakitanan no nakito ku Io nambaal rondo' sampanon ru gapu' kalupus ulun nopolontob ra sakot tayar ru raja'. Paat raginio sakot tumalimpuun poyo tumuu'.

NAGUM 2:13

Mindagu Tuhan Ondo' Maayo Kaga' kuasa', “Pantula' muno Aku. Solobon Ku kurita' kuda muno saboi mapuso. Saujor-saujor muno potoyon ralalom pangayawan, am alapon Ku ngaangai' no ondo' ginaau min intor ra ulun bokon. Sika'-sika' ru ulun-ulun sinusub min kalo boo morongog.”

NAGUM 3:13

Saujor muno malawo koson ra ruandu' am pagun muno makatalang, kalo maalungan giu' ra saang ru pantula'. Apui sumolob ra lugu' ru kulobon garabang muno.

JIPANYA 2:13

Mopongo raginio pakayon ru Tuhan kuasa' Nano koson manutuk ra Asyur. Bandar Niniwi saukon ra intok ondo' masiluk kaga' am tana' kaagisan ondo' mapua'.