NAGUM 1:14 - Tanou Moonsoi Timugon

¹⁴ Gitio noyo ondo' inaru' ru Tuhan intor ra Asyur, “Kolondo' ilo ra papag koson mamparayus ra bansa' nilo. Tutukon Ku sinungkalalaing ondo' giu' ralalom ru kuil-kuil ru dewa nilo. Tatanga' Ku baalon kalalair lobong ra tayar ru ulun ru Asyur, kalo maaya' ilo maayag!”

NAGUM 1:14 ပူးပေါင်းရင်းမြစ်များ

2 RAJA'-RAJA' 19:37

Sangarawan raiti, tatanga' ra io sumambayang giu' ra ralalom ru kuil Nisrok, dewa nano, ruo ngaulun anak ungkuyon nano, i Adramilik am i Sarijir, namatoi riso ra ilang. Kopongo raginio pagiru' ilo ra tana' ru Ararat. I Isaradon, anak ungkuyon nano ra bokon minalit riso koson ra raja'.

2 TUNUNG RU BANSA' ISRAIL 32:21

Nangator Tuhan ra rondo' malaikat ondo' namatoi ra saujor-saujor am pagawai-pagawai ru saujor pagun ru Asyur. Raja' ru pagun ru Asyur pana minuli' boo ra pagun nano ra nauyu' kaga'. Paat ra sangarawan, paat ra raja' ru Asyur soroi giu' ra kuil ru sinungkalalaing nano, kukula' ngaulun anak ungkuyon nano namatoi riso ra ilang.

AYUP 18:17

Kalo boo mauligan ilo ra tana' ti; kolondo' boo sangulun pana ondo' mangkara' risilo.

MAZMUR 109:13

Polosoon noyo ngaangai' papag nano mapuso, am inggalan nano lilianin ru anak-anak bagu.

MAZMUR 71:3

Sauk no ra sindungan kuno ra mapiot, am kubu ra maikang koson manindung raki'; Okou noyo manindung am manungka' raki'.

KAINGKUALAN 12:12

Paat ra rondom raginio ongoyon Ku liputo' titikop ru pagun ru Misir, am mamatoi ra moonong anak ungkuyon katuaan, am niayuk moonong anak ungkuyon katuaan ru bibiag. Mangukum Aku ra ngaangai' dewa ra Misir; Aku noyo Tuhan.

AMSAL 10:7

Ulun moonsoi masalok karaan, kaa' ulun malaat mataki' lilianin.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

JISAYA 33:13

Moonsoi poyo moonong ulun, intor ra mamaar kapoam maalur, makapandai ra binaal Kuno am mangiou ra kuasa' Kuno.”

JIRIMIA 50:2

“Pabalaa' noyo tanou raginio ra bansa'-bansa'! Potonowo' noyo tanou no! Pabilaro' noyo bandira' am potonowo' tanou no! Pai' sibunio' tanou no! Naratu' noyo bandar Babil! Mirodak, dewa nano inumok noyo! Sinungkalalaing ru Babil tinauyu' noyo, sinungkalalaing nano ondo' majamol no inumok noyo!

DANIL 11:21

Rayuso' ru malaikat no nambala', “Raja' ru Siria ondo' sumunu' no iono ulun ondo' malaat. Kalo maaya' masauk ra raja', kaa' matong io ra mamulali' am mampagaau ra kuasa' ra namparuung.

DANIL 5:27

Timbangon arati' no tinimbang kou noyo am napandayan ra mamaan kaga'.

IMAMAT 26:30

Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

MIKA 5:13

Tuyason ku ngaangai' sinungkalalaing Dewi Asyira giu' ra pagun min am pusoon Ku bandar-bandar min.

MIKA 5:14

Ralalom ru sangit Kuno ondo' najanjayan mansuli' Aku ra kalaatan ru ngaangai' bansa' ondo' kalo gumagaya' Raki'.”

ABAKUK 2:10

Kaa' inatangan mino mampakauyu' ra sasambaloi min; am mamuso ra masuang bansa', maparatong kau ra katutukan ru inan galama'.

1 SAMUIL 3:13

Nambala' Aku noyo riso ra mangukum Aku ra sasambaloi nano ra mantilayun, sabap ra anak-anak nano nagasab Raki'. Nakapandai i Ili ra binaal nilono, kaa' kalo ininggalaran no ilo.